domingo, 30 de junho de 2013

SI BORGONHA N´TA MATA BÁ!!!!!!!

QUATRO HORA DI MADRUGADA CURPU DI GUI FICA SIM BIDA NA HOSPITAL SIMAO MENDES, UM SIMPLES ATAQUI DI ASMA N´CONTRA KU GREVI NA HOSPITAL … ALA BIDA DI TIA AGUSTA CUNSI CASABI MA GARANDI DI MAMÉ, FIDJU SIM BIDA, ANDJU DI 11 ANU MURRI PABIA DI PABIA…TIA AGUSTA SAI NA FORONTA KU DUR NA PITU NA CURRI, NA PUPA NA RUA PA TCHIGA CASA…4 HORA DI MADRUGA…JOVEM GK SAI DI CAIXA DI MULTIBANCO NA N´BRUTA DI RALI PA VOLTA DISCOTECA…RETUNDA DI BAINA…TIA AGUSTA NA TRAVESSA SIM DJUBI, BAI BATI NA CARRO DI GK…KAI NA TCHOM DISAMPARADA KU DUR NA ALMA, GK SAI DI CARRO I FALAL: M*RD#  PA, BU KA TENE NAM UDJU, ASSIM KU BO TA PUI ALGUIM NA MUFUNESSA, NHÁ GARANDI GORA PA BIM RESOLVI MISTIDA NA BAINA, I MITI NA CARRO I BAI SI CAMINHO…
TIA AGUSTA LANTA I CONTINUA CARGA SI CRUZ NA BUSCA CASA…GK TCHIGA DISCOTECA I DJUBI DJUBI I FALA SI BRO: N´TA KI CHAVALA FIXE KUM NA PAPIA BANAM KU EL, N´DEL?
BRÓ: I STA BA LI GORA, MAM N´DATI SOM N´KODJAL!!
GK: OMI NA FALAU STA BUÉ FLIPADU, LOVE PANHAM EH BIAS!!!
DIA SIGUINTI GK LIGA MOÇA: YA, N´BIM RIBA NA BUSCAU MA BU DESAPARCI KUMA KÉ?
MOÇA: EH BIM LIGAM DI CASA EH CONTAM TCHUR.
DI TARDI GK BAI FALA MANTENHA NA CAU DI MOÇA ENTRA PA BAI FALA SI MAMÉ MANTENHA I DA DI CARRA KU TIA AUGUSTA…(KI ORA, I SO KI ORA GK LEMBRA KUMA SI PAPÉS TENTA BÁ DAL EDUCAÇOM)


I ORA DI RIBANTA “PALMATÓRIA” CASA.

sexta-feira, 28 de junho de 2013

"69"!!!!!

OMI STA BAS DI DAMA NA UM N´BRUTA DI "69" I DATI I LEMBRA KUMA I TENÉ CONSULTA NA DENTISTA, I LANTA FRIKIT PA CASA DI BANHO, I CABA UM TUBU DI PASTA DI DINTI SO PA KA PUDI TCHIGA N´DÉ MEDICU KU BAFU NA BOCA...DIPUS DI TCHIGA MÉDICO I SINTA, MÉDICU BAIXA SÓ I FALAL: EPA!!!! A NHU KABA DI FACI "69"...
OMI RUSPUNDIL: KUREDAAA, KI LABA BOCA TUDU KUM LABA NHU SINTI BAFU???
MÉDICO: I KA NA BOCA, BU STA KU TCHERU DI RABADA NA TESTA!!!!!!!!!!!!!!!!!!!!!!!

quarta-feira, 26 de junho de 2013

KUREDAAAAAAAAAAAA!!!!!

UM MINDJER NHA PARENTI BAI MEDICO SUMA EH FALAL PÉ TIRA MOM NA PADI, I STA BA DJA NA SEXTO FIDJU U TA PENSA PROPI KUMA ESTIN LA KU CASAL… I TCHIGA I FALA MEDICO: MISTI PÓ RANDJAM UM KUSSA PAM PARA PRENHA.
MEDICO: U MISTI PRESERVATIVO OU PILULA???
MINDJER: DUTUR MINDJOR PILULA PABIA PRESERVATIVO CANSADU N´GULI!!!!!

terça-feira, 25 de junho de 2013

AFINAL...

MINDJER BAI PADI ACOMPANHADO DI SI FIEL MARIDO, MEDICO FALA ELIS: I TEM UM NOVO METEDU PA DIMINUI DUR DI PARTU, I TA CONSISTI NA PAÇANTA PARTI DI DUR DI MAMÉ PA PAPÉ, NO NA BATA CAMBANTAL TE N'DÉ KU PAPÉ AGUENTA NEL.
OMI FALA DJANAM I KA TEM PURBLEMA SI PA ALIVIA NHA AMOR N'STA DISPOSTU A TUDU...PARTU RANCA...MINDJER KUNSA PUPA DUR MEDICU VIRA MAQUINA DI CAMBANTA DUR PA DEZ PURCENTO...I FALA OMI I STA BOM?? OMI FALAL: U PUDI AUMENTA...20% NADA OMI SEMPRE TRANQUILO I MINDJER NA PUPA MENOS...40% OMI YA NA BOA SUBI KU EL DUTUR...70% MINDJER PADI QUASI SIM DUR...MEDICU FALA OMI: SIM SENHOR ABO I UM PAI CURAJOZU...EH SAI DI HOSPITAL PA CASA...TCHIGA RUA EH ODJA MANGA DEL DI GUINTIS NA MORANÇA...OMI RIA I BAI PUNTA: MA KE KU NA PASSA LI?
EH RUSPUNDIL: BU VIZINHU DATI I KUNSA PUPA DUR LI TOK I MURRI!!!!!!!!!!!!!!!

segunda-feira, 24 de junho de 2013

N´TA I KA PESSOA TAMBI!!

OMI ENTRA FORONTADU NA CASA DI SI AMIGO I FALAL: N´FORONTA, N´TEVE PROBLEMA KU UM NAR, NÓ SAI NA GUERRA N´CABA PÁ MATAL.
AMIGO SALTA DI CADEIRA I FALAL: BISSILAI!!! U MATA NAR!!!...N´TÁ ABÓ KA MEDI MATA PECADUR!!!!!!!!!!!

domingo, 23 de junho de 2013

VOLTA DI MUNDO I RABU DI PUNBA...

IDRISSA APAIXONA PA AMI DESDI DI MININESSA…OTCHA I BIM FACI SETIMO I CUNSA DA AULAS PA FACI TEMPO PÁ PERA BOLSA…AMI FALAL: IDI BIM MORA NAM NA NO CAU SUMA AMI SOM KU NHA MAMÉ KU MORA LÁ…I FOI ASSIM…IDRISSA SUSTENTA CASA I TUDU KI PUDI FACI PA SI AMOR I TA FACI…DUS ANUS DIPUS, IDRISSA OTCHA BOLSA PA BAI FACI MIDICINA…IDRISSA BAI PA PORTUGAL NA PORTO…I NA STUDA I NA TARBADJA, DIA I NOITI…MANDA AMI DINHERO PA REFORMA CASA, MOBILIAS…UM ANO DIPUS MAMÉ DI AMI FALSI…IDRISSA CONTINUA NA ESTUDA NA TARBADJA, KA TEM FERIAS KA TEM FIM DE SUMANA…TUDU KU OBJECTIVO DI MINDJORIA SI VIDA KU VIDA DI AMI…FIM DI ESPECIALIZAÇÃO IDRISSA REGRESSA PA BISSAU…TCHIGA DINOTI NA AEROPORTO DI BISSALANCA…I STRANHA I KODJA AMI NA AEROPORTO, I PANHA TAXI PA CASA…TAXI PARA NA PORTA, IDRISSA RIA SIM RIANTA MALAS I BATI PORTA…UM OMI ABRI PORTA I FALAL: OMI U KA ACHA KUMA I TARDI DIMAS PA BATI PORTA DI CASA DI GUINTI????
KI ORA AMI KU NA BIM TRAS FALA DJANAM: IDRISSA ES I NHA OMI, EL KI DUM DI CASA!!!!!
IDRISSA FICA SIM FALA, CABEÇA IMPINADU DÁ MEIA VOLTA I ENTRA NA TAXI I DESAPARCI…
UNS ANOS MAS TARDI, CONFUSSOM NA MATERNIDADI…MINDJER NA PUPA DI DUR…PARTERAS NA FALA: ES GORA SÓ CESARIANA, BU TENE DINHERO PA PAGA??
MINDJER GRAVIDA: NAUUUUU, NAUUU N´KA TENE BÓ DJUDAM NA MURRI…
PARTERAS: MA N´TA N´DÉ BU OMI???
MG: DISNA KUM PRENHA KU NHA OMI SAI DI CASAAA AI BO DJUDAM BO TEM PACENÇA…
IMFERMERAS FIRMA EH NA N´UNI N´UNI…MINDJER NA PUPA DI DUR…
DI REPENTI UM VOZ SAI LA NA FUNDU…KA BO PREOCUPA AMI NA FACIL SERVIÇO DI PARTU!!!
SILENCIO…INFERMERAS VIRA PA DJUBI KILA I KIM…I ERA DR. IDRISSA…OTCHA UDJUS DI DR. IDRISSA FACI FRENTI KU DI AMI KU NA TCHORA DI DUR…AMI FICA SIM SIBI SI DUR OU SI BORGONHA KAL KU MA GARANDI!!!!!

MUNDU PIKININU…

sexta-feira, 21 de junho de 2013

DIVORCIO A VISTA!!!!!!!



OMI SINTA DINOTI DIANTI DI TELEVISOM, ORA I TA PUI KI CANAL KU NA DA FILMI DI "0 Á 90" ORA I TA PUI KI KI NA DA DJUGU DI FUTUBOL...I VIRA I PUNTA SI MINDJER: MA KAL CANAL PROPI KUM DIDU DJUBI???
MINDJER FALAL: MÁ BÓ SIBI DJÁ DJUGA FUTEBOL, DJUBI NAM KI UTRU!!!!!!!!!!!!!!

quinta-feira, 20 de junho de 2013

XIIIIII, EMPREGO STA DIFICIL!!!!!!!!!!!

OMI BAI DJUBI UM SI FAMILIAR NA HOSPITAL KU PANHA "COCOZADA" , NA SAIDA DI HOSPITAL I ODJA UM ANUNCIU COLADO "PROCURA-SE AJUDANTI DI GINICOLOGISTA"...AMIGO BAI DJANAM RAPIDO PA BAI SIBI CONDIÇÕES, I TCHIGA MOÇA BALCONISTA FALAL: COMO AJUDANTI U TEM KU BATA PURPARA MINDJERIS KU BIM CONSULTA, U NA BATA DISPI ELIS, BU FACI DIPILAÇÃO, I DIPUS U PASSA ELIS OLIU PA DIPUS MEDICO TRATA ELIS, SALARIO I DI 650 MIL FCFA...SU STA INTERESSADU U DIDU BAI TÉ MANSOA...
OMI: N´TÉ MANSOA, KÉ TARBADJU I NA MANSOA????
BALCONISTA: NAU I KA LA, MA NA MANSOA LA KU BICHA DI CANDIDATUS CABA NEL!!!!!!!!!!!!!!!!!!!!!!!

terça-feira, 18 de junho de 2013

BÓ CUIDADU KU GUINTIS SENSIVEIS.

TABANKA SEXTA CALIENTI, DIA DOS MATCHUS BRABUS, RAPAZ KU KÁ MUTU TEM DJITU KU BUSCA DAMAS, MÁ I TENÉ TACU NA BOLSO MANGA DEL...I TCHIGA PERTO DI UM CHAVALA VISTOSA KU SI BOM RAÇA DI TCHUNA NA CURPU, CURVA SUMA DI PRAÇA DI IMPÉRIO...I DJIGA I FALA CHAVALA: BIM KU MI PÁ NO BAI CABANTA NOITI NA HOTEL AZALAI I DIPUS NA DAU VINTI I CINCO MIL FCFA...CHAVALA SAI FORA: BU NA LEBSIM NAM, BU ODJAM NAM CU CARRA DI P*TA, CABROM DI M*RDA SAIM DIANTI...RAPAZ KU MUITA EDUCAÇÃO I CALMA FALAL: DISCULPAM N´KA SIBI BÁ, N´BOM BIM KU MI PÁ HOTEL DIPUS N´TA DAU CINQUENTA MIL PÓ PANHA TAXI.
CHAVALA FALAL: A SIM SIM, GOSSI KU BIM!!!!!!!!!!!!!!!!!!!

segunda-feira, 17 de junho de 2013

BOFOTADA SIM MOM!!!

ARMANDO FICA ORFOM CEDU, UM ACIDENTE DI CARRO TIRA VIDA DI SI PAPÉS...NHA MARIA SI DONA TOMAL PA CRIA...NHA MARIA TA CORDA TUDU DIA 5H DI MADRUGADA PA PREPARA SI DONETIS KU SI AGUS PA BAI BINDI, PA PUDI SUSTENTA SI NETO KU PAGA ESCOLA...I FOI ASSIM DURANTI ANOS TOK ARMANDO CABA LICEU...NHA MARIA BATI PORTAS I PASSA HUMILHAÇOES MA I CONSIGUI BOLSA PA ARMANDO BAI FORMA...BOLSA SAI NHA MARIA BAI BINDI SI URUS DI BADJUDESSA PA PAGA PASSAGEM...ARMANDO BAI...DURANTI 5 ANO NHA MARIA SEMPRI KI KUDJI KUDJI U TA ODJAL NA CAMINHO DI WESTERN UNION PA BAI MANDA DINHERO PA ARMANDO...5 ANO, MA I KA TCHIGA NIM DEZ BIAS KU ARMANDO LIGA NHA MARIA...5 ANO, ARMANDO OMI INTILIGENTI FORMA I RIBA SI TERRA...NHA MARIA TCHORA NA MOM DI VIZINHU KILA DAL BOLEIA PA AEROPORTO...ARMANDO TCHIGA CUMPRIMENTA SI DONA FRIO I FALAL: NA BAI MORA KU NHA COLEGA...TEMPOS PASSA...ARMANDO KU RIBA KU BOM PE OTCHA BOM TARBADJU...MA NHA MARIA KA TA ODJAL...ANOS PASSA, NA RADIO KU NHA MARIA OBI KUMA ARMANDO NOMIADU MINISTRO...VIDA DI ARMANDO KAMBIA...FAMA PODER DINHERO, ARMANDO NA SIBI NA RIA KU NOVOS AMIGOS I AMIGAS...UM DIA NA NATAL I DATI I FURA NA KAU DI NHA MARIA I LEBAL UM BOM TELEMOVEL DI PRENDA, NHA MARIA FALAL: ARMANDINHO I KA ES KI ALIMENTU PA NHA CORÇON, BATA BIM DJUBIM...ARMANDU LANTA I NA SAIDA I FALAL: TAMA SO TELEMOVEL KU KUSTAM CARRO U PARA NHÉ NHÉ NHÉ...NHA MARIA CALA KU SI LAGRIMAS NA UDJU I TCHOMA PAPÉ, UM JOVEM KU MORA NA VIZINHANÇA KU DESDE DI SEMPRE ESTEVE DISPONIVEL PA MANDADUS KU RECADUS DI NHA MARIA, I PATI PAPÉ KI TELEMOVEL...UNS MESIS DIPUS NHA MARIA FICA GRAVIMENTI DUENTI I KAI I DISMAIA...PAPÉ KURRI BAI TCHOMA VIZINHUS PA LEBAL HOSPITAL, EH PANHA TAXI EH LEBAL...PAPÉ BIM BAI KAU DI ARMANDO PA BAI AVISAL...TCHIGA I ODJA GUARDA NA PORTA...GUARDA ENTRA I BAI FALA ARMANDO: UM JOVEM STA LA FORA KUMA U DONA PASSA MAL EH PANHA TAXI EH LEBAL HOSPITAL...ARMANDO TIRA CINCO MIL FCFA I DA GUARDA I FALAL: LEBAL ES, TUDU MANERA I BIM NAM COBRA DINHERO DI TAXI.
GUARDA LEBA DINHERO MA PAPÉ N'DJATA DINHERO...I SAI LA I BAI M'PINHA SI TELEMOVEL NA FERA I BAI TAMA RECEITA I BAI CUMPRA MESINHO NA FARMACIA...ANOS DIPUS ARMANDO PANHADU NA TEIAS DI CURUPSOM I BAI PARA CADEIA...DUS DIA NA CADEIA SIM VISITA SIM CUMIDA...TURCERU DIA GUARDA PRISIONAL TCHAMAL I ABRI SELA, ARMANDO SAI I ODJA NHA MARIA KU LAGRIMAS NA UDJU KU TIJELA DI CUMIDA NA MOM.

MORAL: BAI DIANTI...MA KAU DISQUICI TRAS!!!!!!!

quinta-feira, 13 de junho de 2013

SARA & JACU FINESA PART II

SARA BAI FERA, I TCIGA I N´CONTRA KU SI AMIGA GESI KILA TAM I BIM NAM LA DI TABANKA TAPALULU...GESIIIIIIIIII, UAI IÓ I KUMA?
GESI- ALIM LI NA TENTA PANHA PÉ DI PRAÇA.
SARA- AMI NINGUIM KATA MUNI LIM DÉ!!
GESI- KÉ BU PATRONS TENÉ DINHERU???
SARA- UAIII!! KILAS SÓ SARMI BÓ...
GESI-KÉ KI SARMI???
SARA- DJUBI NADA É KÁ TOPI, CARRO DI NHA PATROM I KA DI SEL I DI UM TAL DI MERCEDIS, CALÇAS UTRUS DI DI UM TAL DI PIER CARDIN UTRU I DI UM TAL DI LEVIS, SINHORA BLUSAS I DI DONA KAREN UTRUS BISTIDU I DI VERSASI...ROPAS TUDU PISTADU NAM...
SARA BIM RIBA CASA, JACU FINESA FALAL: DJUBI, A PARTIR DI AMANHA NO NA BATA TAMA PIKENU ALMOÇO 6H30M.
SARA- KILA I BÓ PROBLEMA AMI N´KA NINGUIM CORDAM DÉ PABIA AMI TÁ TOMA PEQUENO ALMOÇO SÓ 9H30M!!!
PARMANHA DR JACU CORDA SARA...SARA BIM ENTRA QUARTO DI DR JACU I ODJA "CAMISINHA" RIBA DI CABEÇEIRA DI CAMA...I FICA SUMA STATUA NA DJUBI PRESERVATIVO...DR JACU FALAL: KUMA KÉ, BÓ KATA PRATICA SEXO NA BU TABANKA???
SARA- NÓ TA FACIL GORA...MÁ NÓ KATA TCHIGA TÉ PUNTU DI RINCA CURU!!!!!!!!!!!!!!!!!!!!!!!

terça-feira, 11 de junho de 2013

FORTI KUSSA!!!!!!

CAMPANHA DI CADJU DISGRAÇA, GREVE DI PURSORIS...TIO ABEL DICIDI MANDA UM DI SI FIDJU FEMIA DI TABANCA PÁ BISSAU PÉ BIM RANDJA TARBADJU...SARA FIDJU DI NHU ABEL SAI DI TABANCA DIRETAMENTI PÁ BISSAU SIM ESCALA, TRANSPORTI MISTO KÁ PARA NIM NA SAFIM...SARA SAI PIDI TARBADJU PORTA A PORTA...BIM CONSIGUI NA MON DI NHA JACU FINESA...
KI PROPI DIA OTCHA NHA JACU TCHIGA CASA DI TARBADJU I ODJA SARA NA DURMI NA SOFA I FALAL: MÁ ES I KAL DISCARNA KU STA NEL, N´TA U BIM NAM LI PÁ BIM DURMI???
SARA: SINHORA KU FALAM KUMA U MISTI ALGUIM PÁ BATA DURMI!!!!!
KUSSA KÁ TCHIBI NHA JACU BOCA, I DIXAL I LAMBU SI IPAD I FALA SARA: NA BAI CASA DI BANHO, SI ALGUIM LIGAM BU TA ATINDI...NHA JACU ENTRA PÁ BAI FACI SI NECISSIDADI FISIOLÓGICA...TELÉMOVEL TCHAMA SARA ATINDI...SARA: ARÓ SIM...
-DI FABUR MISTI BA PAPIA KU DOTORA JACU.
SARA: DOTORA NA PUPU...KI ORA NHA JACU SALTA NA PIA I ABRI PORTA I FALA SARA: AI!!! U MATAM NAM KU BORGONHA...ORA KI ASSIM BATA FALA I STA OCUPADO LIGA MAS TARDI...
UM SUMANA DIPUS...NHA JACU BIM DI TARBADJU I PASSA MOM NA STANTI DI SALA I FALA: SARAAAAAAAAAAAAAAAAAAAA...MÁ DJUBI DÉ, STANTI CHEIO DI PUERA ES I PUERA DI MAS DI DUS MIS!!
SARA: KÁ NHA CULPAM DÉ PABIA AMI NIM DUS SUMANA N´KA FACI INDA LI IÓ!!!
NHA JACU BIM TAMA SI IPAD I ENTRA NA CASA DI BANHO, PÁ BAI ALIVIA... ... ....
TELEMÓVEL TORNA TCHOMA... SARA ATINDI: ARÓ SIM...
- BOTARDI, MISTI BÁ PAPIA KU DOTORA...
SARA: I STA OCUPADO, LIGA MAS TARDI
- DISCULPA, MAS TARDI KAL ORA??
SARA: N´KUDA ABÓS DI PRAÇA BÓ DISCARNÓS, N´FALA MAS TARDI ORA KI KABA PUPU!!!!!!!!!!!!!!!!!!!!!!!!!!!!!!!!!!!!

sábado, 8 de junho de 2013

DAS DUAS UMA...


UM NO COLEGA BAI BAR DI MANO CELAS, KI DIA GORA UM NHA AMiGU MANDA MATA BÁ 3 CABRA KU UM PURCU, COMIS I BEBES, TINTO KU BRANCU NA SAI TRAS DI N'UTRU...OTCHA I RIBA CASA I ODJA SI MINDJER DITA BADJA, MA SUMA KURPU KINTI I CUNSA PALPA KILA...MINDJER FALAL: KA NHU CHATIAM PABIA N'TENE CONSULTA AMANHA NA GINUCULUGISTA I MISTI BAI LIMPINHA...PASSADU UNS 10M NHA BRO KA AGUENTA I TORNA TOCA MAS SI MINDJER I FALAL: KÉ U NA BAI TAM DENTISTA!!!!!!!

sexta-feira, 7 de junho de 2013

AI NAAAAAAAAAAAAAAAAAAAAAAAAAAUUU!!!


TITINHA I UM BADJUDA DI FAMILIA FINA, I CUNSA NAMORA KU CONHECIMENTU DI SI MAMÉ...UM DIA TITINHA ENTRA NA SALA, N´DÉ KI SI MAMÉ SINTA KU SI VISITAS SI AMEIGAS XIKÉRIMAS, NA GRITA: MAMÁ MAMÁ...AÓS NHA NAMORADU CAJÓ M*CAM!!!!!...SILENCIO TOTAL NA SALA...OTCHA AMIGAS DI MAME BAI, MAME TCHAMA TITINHA I FALAL: AI NHA FILHA U MATAM NAM KU BORGONHA, KA BU BATA USA EH PALAVRA PÁ PAPIA DI SEXO, ORA KI ASSIM BATA FALAM SÓ: MAMÁ AÓS NO "ESTRELA OVO"...DIA SIGUINTI (ORA KU ALGUIM RANCA I TA LALU DJANAM) TITINHA TCHIGA MAS CASA I FALA SI MAMÉ: MAMÁ MAMÁ, AÓS AMI KU CARLOS NO "ESTRELA DUS OVO"...PASSADU UNS DIAS TITINHA TORNA TCHIGA CASA MAS NA GRITA: MAMÁ MAMÁ...ANTIS DI KABANTA SI MAMÉ FALAL: N´SIBI DJÁ, AÓS BÓ "ESTRELA TRIS OVO"!!!!...TITINHA RUSPUNDIL: NAU MAMA, AÓS I LIMBI NAM FRIGIDERA!!!!!!!!!!!!!!!!!!!!!!

quinta-feira, 6 de junho de 2013

MINDJER I CUMPANHER 2

SECULO XXVII BISSAU, RAPAZ SAI PASSIA KU SI NAMURADA NA BISSAU BEDJU, LUZ PÁ TUDU LADU NA RUA, LOJAS KU MONTRAS NA BRILHA...MANGA DI LOJAS DI ALTOS GRIFFES...DI REPENTI BADJUDA PARA NA UM MONTRA NA APRÉCIA UM BISTIDU BUNITU...RAPAZ KA NOTA I CONTINUA NA ENDA, I BIM SINTI KUMA NINGUIM KA STA NA SI LADU I PARA I VIRA TRÁS I ODJA SI DAMA FIRMADU DIANTI DI UM MONTRA...I RIBA TÉ SI DAMA I FALAL: KUMA KÉ???
DAMA: FORTI BISTIDU BUNITU!!!
RAPAZ: KÉ BU GOSTA DEL???
DAMA: N´GOSTA TCHIU NAM, EH DEUS!!
RAPAZ: SUMA I ASSIM KAU PREOCUPA NÓ BAI...AMANHA NA TISSIU LI MAS PÁ BU BIM APRÉCIAL!!!!!!!!!!!!!!!!!!!!!!!!!

quarta-feira, 5 de junho de 2013

CABEÇA KI PECADUR!!!

UM DUDU ODJA SI CUMPANHER DUDU NA PASSIA NU NA BANDÉ, I TCHIGA PERTU DEL I FALAL: MÁ ES I KAL DISCARNA KU STÁ NEL IM, PABIA DI BÓS KÉ TÁ MISTI LEBANU QUINHAMEL...LOGO I DICIDI DISPI SI ROPA, CALÇA OOO, CAMISA OOO TÉ BOXER TUDU I TIRA I DA KI UTRU PÉ BISTI...I KABA I FALAL: AGORA SIM U STA DISENTI!!!!

terça-feira, 4 de junho de 2013

VIRGEM MÁ...



I ABRIDU UM NOVO LOJA LI NA BISSAU DI BISTIDU DI NOIVAS...TELSIMIRA BAI LA PÁ BAI CUDJI BISTIDU...I ENTRA I ODJA DI UM LADO BISTIDUS DI NOIVA TUDU DE COR BRANCO, DI UTRU LADU I ODJA BISTIDUS DI NOIVA TUDU DE COR CREMI...I ADIMIRA I TCHAMA BADJUDA DI LOJA I PUNTAL: N´TA BISTIDU DI NOIVA CREMI NUNCA ODJA!!! BADJUDA RUSPUNDIL: SI BU VIRGEM BU TÁ CASA DI BRANCU, SI BU ENTREGA DJA GITRIMENTU BU TA CASA KU BISTIDU CREMI...(NHA CONSELHO, LI NA BISSAU, BÓ RIBANTA BISTIDUS BRANCUS)...BADJUDA CONTINUA: KAL GORA KU SINHORITA NA LEBA, BRANCU OU CREMI???
TELSIMIRA N´PENSA TÉ I RUSPUNDI: BISTIDU NA LEBA BRANCU...MÁ BATON NA LEBA CREMI!!!!!!!!!!!!!!!!!!!!!!!!!!!!!!!!!!!!!!

sábado, 1 de junho de 2013

MA NHA VIZINHU GORA!!!

SETE HORA DI DINOTI, NA SAI KU NHA VIZINHU NA DIAS & DIAS, UM MININU PIDIDUR DI ESMOLA FALA NHA VIZINHU: TIO TIO, PATIM MOEDA PAM BAI CUMPRA POM...NHA VIZINHU DJUBI RELÓGIO E FALAL: NAAA, N´CA NA DAU, SU KUMÉ POM EH HORA U KÁ NA BIM JANTA!!!!!!!!!!!!!