GUINÉ BISSAU FORONTA!!!

UM NÓ MINISTRO SAI EXPLICA PROGRAMA DI GOVERNO NA INTERIOR DI PAÍS...DIPUS DI PASSA NA MANGA DEL DI CIDADES KU TABANKAS I BIM CANÇA BADJÁ RIPITI MEMO KUSSAS KU RUSPUNDI MEMO PERGUNTAS...I FALA SI CONDUTOR: DJUBI, AMI N´KANÇA, PROXIMO TABANCA KU NÓ NA BAI, SUMA EH KÁ KUNSIM LÁ, I ABÓ STA FARTO DI OBI PROGRAMA, TUDU MANERA U SIBIL DJÁ DI COR I SALTIADO, NÓ TÁ TORKIA DI LUGAR, BIM TRÁS U DIÇA PAM CONDUZI...OTCHA EH TCHIGA TABANKA DI BINAR, CONDUTOR BAI SINTA EXPLICA EXPLICA PROGRAMA DI GOVERNO NA LUGAR DI MINISTRU KU SINTA NA PLATEIA I NA DISCANÇA...NA FIM, GUINTIS FACI FACIL PERGUNTAS I RUSPUNDI, MA UM SOM BIM FALAL: CAMARADA MINISTRO, NO SAI DI TRANSIÇOM KU KA BALINU NADA, NO ENTRA NA LEGALIDADI, MÁ, HUMMMM, NADA KA MUDA DÉ, NÓ NA LAMBU, NÓ KA NA TARBADJÁ, GREVES NA AMEAÇADU MISTI PÓ EXPLICAM ES???
CONDUTOR NA CALURA, I VIRA I FALA: M´BOM, SUMA É PERGUNTA SIMPLES DIMÁS, NA DIÇA PÁ NHA CONDUTOR RUSPUNDI!!!!!

FALENCIA EXTREMA

AMI N'FALI, NA ASSUMI DI MI, MÁ I TEM KILIS KU LAMBUM EH BATI...EH PARMANHA, N'FACI VAL M'BAI COLA RODA DI NHA CARRO, M'BAI ODJA UM OMI LÁ, NA FALA COLADUR DI RODA SI PUDI BÁ DAL UM JEITO SUMA AÓS I SEXTA FERA...KUMA I CUDJI UM PRESERVATIVO FURADU I MISTI PÁ COLAL EL!!!!!!!!!!

MÁ!!!!!!!!!!!!!!!!!!!

MÁ!!!!!!!!!!!!!!!!!!!

RAPAZ TCHIGA I FALA BADJUDA: KUMA KI BU NOMI?
BADJUDA: PÁ KÉ KU MISTI SIBI NHA NOMI??
RAPAZ: I PÁ PUL NA NHA MENU.
BADJUDA: APROVEITA U PUI DJÁNAM DI BU MAMÉ PÁ SOBREMESA!!!!!!!!!!!!

TURMENTA DI MINDJER

MINDJER RIBA CASA TARDI NA NOITI, I ENTRA NA SÉ QUARTI I BAI ODJA GUINTIS NA "PATCHI BOLACHA" BÁ DI MANTA, I SAI MÁS SIM FACI BARUDJU I BAI BUSCA PÓ DI PILA I BIM SUTA ELIS KU EL: DIR, DAR...CURPUS SOSSEGA BÁ DI MANTA...I SAI I BAI COZINHA PA BAI BIBI AGU GELADO PÁ FIRIANTA PITO, I TCHIGA NA COZINHA I BAI N´CONTRA KU SI OMI SINTADO NA MESA...OMI FALAL: AHM, NHA TCHIGA!!! DJUBI U PAPÉS BIM DI BINAR, N´PISTA ELIS NO QUARTO PÉ DISCANÇA.

NOVELA DI TIO ADEMBLÉS

MINDJER DITADU NA CAMA, TIO ADEMBLÉS BIM PÁ DITA DINOTI, MÁ ANTIS I FINCÁ JOELHO NA CABECERA DI CAMA I CUNÇA RAÇA: DEUS, NA PIDIU, LIBRA NHA MINDJER DI TUDO PROBLEMAS, SI DUR DI DINTI NA BIM PÁ REL, MINDJOR U DAM NAM KI DUR DI DINTI, SI DUR DI BARRIGA NA BIM PÁ REL U TA PINTCHAM TAM EL, SI FALENCIA ODJAL, MINDJOR U MOSTRAL NAM MIM, I SI NHA MINDJER TEM KU FICA VIÚVA, MINDJOR AMI NAM N´FICA VIÚVO...

TIO ADEMBLÉS STA INTERNADO NA HOSPITAL DI CUMURA NA ESTADO GRAVI.

ALGUNS DIAS DIPUS...

TIO POTICÓ, NHU TAMALI KU NHU CABALI, GRANDIS AMIGOS DI TIO ADEMBLÉS, É BAI VISITAL NA HOSPITAL... EH TCHIGA EH FALA TIO ADEMBLÉS: OMI, N´TÁ KÉ GORA KU NA PENSA FACI BU MINDJER DIPUS DÉS, DÉS DÉS FINDI C*DERA KI DAU????????????

TIO ADEMBLÉS: FACI ESFORÇO I LANTA I SINTA NA CAMA I FALA ELIS: PRA JÁ, I FOI UM ACIDENTI ORIGINADO PÁ UM MAU INTERPRETAÇÃO, A LÁ MANDA DJÁ CUMPRA ARMA PÁ I KA VOLTA ACONTECI...MÁ JÁ AGORA, POTICÓ, TABANKA TUDU SIBI KUMA BU MINDJER TÁ STA KU BU SUBRINHO DENTRO DI CASA, KÉ KU NA PENSA FACI??? I CONTINUA, TAMALI, BU CODÉ TUDU GUINTI SIBI KUMA I KÁ BU FIDJU, KÉ KU NA PENSA FACI??...CABALI, "BERKILO" DI NHU KATA LANTA DISNA, MÁ U MINDJER TUDU HORA I STA CONTENTI NA CASA, KÉ KU NA PENSA FACI???
ESTADO DI SAUDI DI TIO ADEMBLÉS VOLTA PIORA MÁS...

UM SUMANA DIPUS...

TIO ADEMBLÉS PIDIM PAM BAI BUSCAL NA HOSPITAL KUMA EH DAL ALTA…DIA SIGUINTI OTCHA N´TCHIGA PÁ BAI BUSCAL M´BAI ODJA TIO ADEMBLÉS NA CUIDADO INTENSIVO…N´CONSIGUI ENTRA, M´BAI ODJAL DITADU CHEIO DI HEMATOMAS, M´PUNTAL: TIO ADEMBLÉS I KÉ MÁS???

TIO ADEMBLÉS: RISPITO KÁ TEM GOSSI NÉ TERRA, AMI ALGUIM GARANTI KUM JOVEM TAXISTA TA INTCHI SIM DI PORRADA, MÁ SI KÁ PABIA I PANHAM NA FRAQUEZA, EH HORA HISTORIA NA CEDU BÁ UTRU…
AMI: N´TÁ KÉ KI ACONTECI??
TIO ADEMBLÉS: SUMA EH BIM NA TURMENTA PAM DESOCUPA CAMA, N´DICIDI KÁ PERAU, N´SAI PÁ BAI PANHA TAXI PÉ LEBAM CASA…N´FIRMA NA ENTRADA DI HOSPITAL, MANDA TAXI PÉ PARA, I BAI PARA LÁ, A 100METRO…TAXISTA BIM FACI MARCHA RÉ TÉ N´DÉ KUM FIRMA NEL…N´PUNTAL: MÁ NHU KA NA PENSA COBRAM EH MARCHA RÉ KU FACI SIM????
TAXISTA: NÁ TIO, AMI N´KATA COBRA MARCHA RÉ.
TIO ADEMBLÉS: AHMM!! N´TÁ LEBAM POM TÉ NHA CASA NA BAIRRO NA MARCHA RÉ POM!!!!
M´BIM CORDA LI NA CUIDADO INTENSIVO.

DUS SUMANA DIPUS, FAMILIA DI TIO ADEMBLÉS PUI EH SIGUINTI COMUNICADO NA RADIO:

FAMILIA DI TIO ADEMBLÉS NA INFORMA TUDO GUINTIS DI KUMA ESTADO DI SAUDI DI TIO ADEMBLÉS STA BASTANTE MINDJOR, I DIVIDU A FALTA DI CAMA NA CUIDADO INTENSIVO, TIO ADEMBLÉS FOI TRANSFERIDO PÁ MATERNIDADI. OBRIGADO!!

5 DIAS DIPUS...

NHA M'POTIKA, MINDJER KU GOSTA DI PROBLEMA KU GUERRA, BAI VISITA MINDJER DI SI FIDJU KU KUNSA PADI NA MATERNIDADI...I TCHIGA LOGO NA ENTRADA OTCHA I ODJA TIO ADEMBLÉS DITADO NA CAMA AO LADO I FALA: MÁ EH MUNDO STA BIDJACU BÓ, OMIS GOSSI TÁ PRENHA TAM!!!! TIO ADEMBLÉS PUI PÁ RUSPUNDI MÁ I SUFRI I CALA...NHA M'POTIKA TCHIGA DJANAM I LAMBU BEBE I PEGA DJUBI DJUBI I CABA I FALA MINDJER DI SI FIDJU: EH MININO I KÁ DI NHA FIDJU, NADA DI NHA FIDJU I KÁ TENÉ EH KATA PARCI!!!!

KI HORA, TIO ADEMBLÉS KA AGUENTA I FALA: MAM FALA, KÉ EH MINDJER DU FIDJU, GITRIMENTU OU FOTOCOPIADORA KI TENÉ??????

I KÁ PRECIS PAM FALA KUMA TIO ADEMBLÉS RIBA CUIDADO INTENSIVO.

TO BE CONTINUEXEM...

MINDJERIS!!!

UM AMIGA PUNTA SI AMIGA: N´TÁ KIM KI BU ESCRITOR FAVORITU???

AMIGA RUSPUNDIL: NHA PAPI, NHA XUXUXU, NHA AMANTI.
KI UTRU FALAL: AHM!!! N´TÁ KÉ KI TA SCRIBI???
AMIGA RUSPUNDIL: I TA SCRIBI CHEQUIS!!!!!!!!!!!!!!!!!!!!!!!!!!!!!!!!!!!!!!

CAMARADA CARRO SINHORIO

CAMARADA CARRO SINHORIO

EXILENTI

ESTOU A ESCRVER SOBRI O DINHERO DOS RENDA QUI ESTÃO ATRASADOS, NÃO GOSTEI DOS CARTAS E RECADAS QUI VOCÊ MI MANDOU, EU NÃO DIVER SÓ DINHERO DI RENDA TB DIVER MUITOS GUINTIS, POR ISSO TUDO FIM DO MIS EU COLOCAR OS NOMES DESTES GUINTIS COM TAMBEM DO SINHORIO EM PEDAÇOS DI PAPELINHAS E DEPOIS COLOCAR NUM CABAZ I TIRAR A CALHAR, QUIM SAIR EU PAGAR NESTE MIS, MAS COMO A SINHORIO SER PATETA NA CARTA KI MI MANDOU FICA JÁ A SABER QUI NÃO VOU COLOCAR A SUA NOMI NESTI MIS NAS PAPELINHAS!!!!!!!!!!!
XAU BURRO PATETA, ESTI MIS VOCÊ PERDEU!!!!!

NÔ CULTURA!!

NHU CÓ, PEPEL DI BIUMBU, APAIXONA PÁ MARIAMA FULA DI GABU, MINDJER BONITA RONCANTI…NHU CÓ BIM MISTI CASA MARIAMA, PARENTIS DI MARIAMA DICIDI TUBINTI NHU CÓ,EH FALAL: APARTIR DI AÓS WEDÉ ZERO…NHU CÓ BIDA MUÇULMANO I CASA KU MARIAMA…EH VIVE FELIZ TÉ NA BEDJIÇA OTCHA DOENÇA BIM LEBA NHU CÓ PÁ TERRA DOS PÉS JUNTOS…NHA PARENTIS PEPEL DICIDI BAI ROBA DEFUNTU PÁ BAI N´TERRA NA CÉ TRADIÇOM…OTCHA EH TCHIGA KAU DI TCHUR EH BAI ODJA FULAS NA GERI BADJÁ PROCESSOS…OMI GARANDI FULA ODJÁ SÓ ELIS I SIBI LOGO KÉ KÉ BIM PAREL…I TCHAMA ELIS NA UM CANTO I FALA ELIS: ALI DINHERO PÁ BÓ BAI CUMPRA PURCO KU CANA, ENQUANTO NÓ NA RAÇA CURPO, DIPUS NÓ TÁ N´ENTREGA BÓS CURPO…NHA PARENTIS ODJÁ SÓ TACU EH BAZA PÁ BAI CUMPRA PURCO KU CANA…TÉ PÉ NA RIBA EH BIM ODJÁ FULAS N´TERRA BADJÁ…PEPELIS KÁ FACI MÁ NADA…EH BAI BUSCA BUMBULUM KU LITOS E LITROS DI CANA…EH MATA PURCU EH RANCA BADJA, EH TÁ PUI CANA NA BOCA É SUPRA PA ESQUERDA I PA DIREITA, BADJIGADA RANCA NA KAU DI TCHUR, GUINTIS BAI FEK, PEPELIS FICA EH TAMA CONTA DI TCHUR!!!!!!

TÉ PÁ NIM NADA, MINDJOR NÁ NADA!!!!!!!!!!

KUMA OTCHA DEUS NA DISTRIBUI LIMARIAS CABEÇA NA MATO, ABÓ CACRI U PUDU SÓ UDJU U SAI DJANAM FAR U NA DJANTI PÁ BAI…OTCHA I BIM CONTRA KU LEBRI NA CAMINHO I FALA KILA: N´TA KÉ KU TENÉ SIM A VOLTA DI UDJU??
LEBRI: ÉS KÉ TÁ FALA CABEÇA, BU NA TCHOMADU PÁ BAI BUSCA DI BÓ U DISDANGU GUINTIS!!!
CACRI CURRI DJANAM PÁ BAI BUSCA DI SEL…NA CHEGADA I CONTRA KU DARI NA SAI, I FALA KILA: CABEÇA TEM INDA??
DARI FALAL: I TEM, MÁ KILIS KU SOBRA I KÁ MINDJOR DI KI DI MI DÉ!!!
CACRI DJUBI DARI NA ROSTO, I DÁ MEIA VOLTA I BA SI CAMINHO.

CACRI PREFERI FICA NAM SIM CABEÇA.

PUTO ESPERTO!!

MININO FALA SI PAPÉ: NÓ PURSSORA DI PURMERA CLASSE BURRA MAL!!!!

PAPÉ: COMO ASSIM???
MININO: PABIA AMI STA DJÁ NA QUARTA CLASSE I EL TÉ GOSSI I CONTINUA NA PURMERA CLASSE!!!!!!!

SIM SINHORA, NÓ TENÉ MINISTROS!!!!!

NA NHA PASSADA DI AÓS POR CONSIDERAÇÃO N´KÁ NA TCHAMA NOMIS…KUMA UM DI NÓ MINISTRO CUMBIDA SI COLEGA DI PORTUGAL PÁ BIM VISITA LI…OTCHA KILA TCHIGA NÓ MINISTRO(M.G) RICIBI UNS GUINTIS DI EMERGENCIA I KA CONSIGUI BIM AEROPORTO…OTCHA MINISTRO PORTUGUIS(M.P) TCHIGA MINISTÉRIO I BAI PÁ SALA DI ESPERA, NA SALA DI ESPERA I STABA DUS UTRUS MINISTROS GUINEENSE…COMBERSA COMBERSA, EH BIM TCHAMA M.P PÉ ENTRA…KILÁ ENTRA SÓ I FALA SI COLEGA: OLHA, EU NÃO VIM CÁ PARA CRIAR PROBLEMAS, MAS SÓ QUE, ESTIVE AGORA COM DOIS COLEGAS SEUS NA SALA DE ESPERA E UM DELES ROUBOU ME O ROLEX DE OURO QUE TINHA NA MÃO.

MG: NÃO SE PREOCUPE, EU VOU RESOLVER ISSO.
M.G BAI PÁ SALA DI ESPERA, PASSADO 3 MINUTO I RIBA SI GABINETI I FALA M.P: OK, AQUI ESTÁ O SEU RELÓGIO.
M.P: EPÁ!! ESPERO NÃO TER CRIADO NENHUM EMBARAÇO.
M.G: CLARO QUE NÃO, ELES NEM SE APERCEBERAM QUE PEGUEI O RELÓGIO DE VOLTA!!!!!!!!!

DITO NA FINEZA

OMI ODJA SI MINDJER NA MIDI SUTIAM, I FALAL: KÉ MIDI MIDI SUTIAM SU KA TENÉ NADA DI PÉMBI...MINDJER FALAL: AMI NADA N'KATA FALAU ORA KU BISTI TRUSS!!!!

MINDJER HONESTA

M´BACANAS BIM DI TARBADJU, I TROQUIA ROPA I BAI DJUGA DAMA BÁ DI PÉ DI MANGO...M´BACANAS KÁ TEM DUS NA DAMA, CABA GOZA NA MUNDO...I PANHÁ JOVEM MALAM, 1,2.4...MALAM SAI NA FALA SUMA VIZINHANÇAS TUDU NA GOZAL I LANTA I FALA: BÓ GOZA, BÓ GOZA, MÁ NA CONTA BÓS NA VIZINHANÇA TAM SIM, N´ESCOVA DJÁ DJÁ TUDU DAMAS KU MINDJERIS, UM SOM SOM KU NA FALTA INDA!!!
OMIS TUDU BAZA PÁ CASA PÁ BAI PUNTA...M´BACANAS RIBA CASA I BAI FALA SI MINDJER: KI JOVEM MALAM KUMA I ESCOVA DJA TUDU MINDJERIS DÉ MORANÇA UM SOM SOM KU NA FALTAL.
MINDJER RUSPUNDIL: BÁ DJUBI I KI ATRIVIDA DI NÓ VIZINHA KU NA FALTAL!!!!!!!!!!!!!!!!!!!!!!!!!!!!

NHA PARENTI

M'BIM KUM NHA PARENTI NA AVIOM PÁ BISSAU...OTCHA NÓ TCHIGA BISSAU VIA MARROCOS, NHA PARENTI CARGA CARGA KI MANTAS BURMEDJU PÁ RIA KU EL...HOSPIDERA FALAL: MAIS POURQUOI?

MINDJER PARENTI: POUR KATAR, MOI SER KATANDERRR!!!!!!

MINISTRO HONESTO.

DUS MININUS NA GUÉRRIA, UM MINISTRO NA PASSA I ODJA KI KUSSA I MANDA PARA CARRO I RIA...EI!! BO PARA LUTA!!! I SEPARA ELIS I PUNTA: NTA KE KU PUI BO NA SUTA N'UTRU SIM???
UM SOM FALA: NO KUDJI NAM UM NOTA DI DUS MIL, NO FALA GORA KIM KU KONTA MINTIDA MÁ GARANDI EL KU NA LEBAL.
MINISTRO: NA BO IDADI BO NA PENSA NA CONTA MINTIDA, BO TOMAM COMO EXEMPLO, AMI NUNCA NCONTA MINTIDA!!!
MININU FALA SI COLEGA: I CABA!!! MINISTRO GANHA N'TREGAL DINHERO!!!!!!

CURIOSIDADI TÁ MATA GATO!!

-MÁMÁ!
-SIM NHA FIDJU!
-QUIM KU CUMPRA NÓ MOBILIA?
-BU TIO KU CUMPRAL.
-TILVIZOM GORA?
-NHA AMIGO KU STA NA PORTUGAL, KU MANDANU EL.
-GILERA GORA?
-NHA PRIMO KU CUMPRA I PATINU.
-MÁ MÁMÁ, CARRO TAM, PÁPÁ KU CUMPRAL??
-NÃO NHA FIDJU, NHA PATROM KU CUMPRAL.
-M'BÉ!!! KÉ NÉ CASA PÁPÁ KA PUI NADA?????
- NHA FIDJU, SI U PAPÉ KUM FIANÇA BÁ NEL, NIM ABÓ N'KA NA TCHIGA BÁ DI PADI...APROVEITA U GARDICI NÓ VIZINHO!!!!!!!

DRED Vs IPHONE 5

DRED PANHA TÁXI PÁ BAI VISITA SI CHAVALA, I BAI ODJA UM IPHONE 5 NA BANCO DI TRÁS...PEGA RABISTA CONTACTOS I ODJA UM SOM: MEU NÚMERO, I LIGA SI DUNU...KILA ATINDI, I ERA UM MINDJER: ALÓ, DEUS OBRIGADO, M'PEMSA NKA NA ODJAL BÁ MÁS.
DRED: CONTAM N'DÉ KU NHA MORA NEL.
SENHORA: A FINAL GUINTIS DRITU TEM INDA, SÓ DEUS KU NA PAGAU NHA FIDJU.
DRED: AMI N KA SIBI SI BU TULU NAM OU NA TRENA NAM PÁ SEDU, AMI MISTI BU DIREÇOM PAM PUDI PASSA LÁ PÁ BAI BUSCA NHA CARREGADOR!!!!!

TOCA TCHUR NA TUGA

GUIGUIS DI ARSENA BAI PIDI PRESIDENTI DI CAMARA PÁ DIÇA ELIS FACI CIRIMONIA DI TOKA TCHUR: QUIREMOS PEDIR AUTORZISAÇÃO PARA TUCAR TCHUR??
PRESIDENTE: O QUÊ ISSO?
GUIGUIS: TEMOS K CORRER COM OS BACAS NOS ÉSTRADAS COM RAMOS DOS ÁRVORES NAS MONS PARA SUTAR ELES.
PRESIDENTE: COMO VÃO FAZER NOS SEMÁFOROS????
GUIGUIS: EEEE!! PRESIDENTA, OS BACAS NÃO TER TRAVONS DÉEEEEEE!!!!

RAMADÃO

OMI TENÉ SI CARNEL HÁ MAS DI 7 ANOS NA CASA, TUDU RAMADÃO CARNEL TÁ ODJA UTRUS CARNEL TÁ TICIDU EH MATADU PÁ FESTA...EH ANO SUMA CAMPO QUINTI KU OMI, SALARIO BAI TUDU NA PAGA DIBIDA, TÉ 24 HORAS ANTIS DI FESTA CARNEL KA ODJA NIM UM SOM TICIDU CASA...I BAI PÁ SI DUNU I FALAL: KÉ EH ANO NÓ KÁ NA MATA CARNEL???
KILA RUSPUNDIL: NÓ NA MATA GORA DÉ!!!!
CARNEL DISCUNFIA, I FALA: N' KÁ STA NA CURTI EH BU ATITUDI NIM UM BOCADU!!!!

AMIGAS!!!!

BADJUDA SAI DI ESCOLA MÁ CEDU, PURSSOR FALTA, KU SI AMIGAS, I DICIDI BAI KAU DI SI NAMORADO, EH TCHIGA QUARTO DI KILA EH BAI PANHA KILA KU UTRU MINDJER NA CAMA...BADJUDA SAI DJANAM A CORRER DI LÁ...MÁ AMIGAS BAI PUL BOCA: ÉS I KÉ MEM KU STA NEL SIM?? U TEM KU RIBA LÁ!!! KAU SETA EH FALTA RISPITU. AMI SI AMI ESCANDALO KU NA RANDJA BÁ, KI QUARTO NA PEGA FUGU...
ENTRETANTO, RAPAZ MANDA DAMA KI STA KU EL EMBORA, I MANDA UM MININU PÉ BAI TCHAMA SI BADJUDA KU SI GRUPOS...
EH TCHIGA SOM EH ENTRA QUARTO, RAPAZ FALA ELIS: MINDJER KU SAI LI, NA NOGOCIA BA KU EL,BÓ KUDJI, É ODJA 5 CABELO HUMANOS, 5 VESTIDOS KU 5 PAR DI SAPATOS RIBA DI CAMA DI RAPAZ.
BADJUDA DI RAPAZ FALA: KAU LEBSINU NÓ KA MISTI NADA, U PENSA U NA LEBSIM...KI HORA AMIGAS TUDU FALA: EHHHH! DIÇA PROBLEMA, I FALAU DJÁ I NA NOGOCIA BÁ, N´DÉ MAS KU NA BIM ODJA UM OMI KU AMAU ASSIM!!!!!!!!!!

TIO ADÉMBLÉS

 
NHA JACU MANDA TIO ADÉMBLÉS FERA...MÁ MANÉ KU TIO ADÉMBLÉS TCHIU KUSSAS DI DISQUICI DISQUICI, I SCRIBIL NA PAPEL TUDU KI KI MISTI: GUSTO----------------100F
SAL--------------------200F
MALGUETA-----------50F
1 KG ARRUZ---------300F
CACRI------------------250F
LIMOM------------------100F
TOTAL-------------------1000F
TIO ADÉMBLÉS SAI DISNA DI 9H DI PARMANHA...10H30 NADA...11H NADA...12H NHA JACU DICIDI LIGA TIO ADÉMBLÉS.
NHA JACU- ALÓ, ALÓ, KUREDAAAAA, N´TA AÓS NÓ KA NA DJANTA, I AÓS KU NHU BAI FERA.
TIO ADÉMBLÉS- MAM CUMPRA DJA QUASI TUDO, I NA FALTAM SOM U KUSSA, IANDA DJÁ FERA TUDO, TUDO KAU KU BAI EH TÁ FALA EH KATA BINDI TOTAL!!!!!!!!!!!!!!!!!!!!!!

MONEY, TAKU, PERLIS!!!

NHA TCHÉBETA SINTANDA SI FIDJU I FALAL: KATÓBI, MISTI CONTAU UM KUSSA DISNÁAAA, MA CORAGEM TÁ FALTAM...ANTIS DU PADIDU, N´KUNSI UM OMI, AMOR DI NHA VIDA, MÁ POR MOTIVO DI FORÇA MAIOR NÓ SEPARA, KIL OMI EL KI BU PAPÉ DI BARDADI.
KATÓBI: AIIIIIIII! MAMÁ, U MATAM NAM SIM EH HORA, NAAAAAA, AMI NHA PAPÉ I ADEMBLÉS BU OMI, N´KA TENÉ UTRU PAPÉ MÁS, SAI NÉS, N´KÁ MISTI SIBI...
TCHÉBETA: NHA FIDJU KAU FICA SIM, SU ODJÁ NA CONTAU ES GOSSI, I PABÍA U PAPÉ TEM STADU NA LIGA TUDU ORA KUMA I MISTI PAPIA KU BÓ.
KATÓBI: NAAAA, AMI NHA PAPÉ I ADEMBLÉS, OMI KU CRIAM, KU TA DAM TUDU, APESAR DI KÁ TENE NADA, DIÇA N´KA MISTI UTRU PAPÉ... KI HORA TELEMOVEL DI NHA TCHÉBETA TOCA, I ATINDI: ALÓ, ALÓ, SIM SIM, PERA PERA...
NHA TCHÉBETA PUI MOM I TAPA TELEMOVEL I FALA KATÓBI, I EL, U PAPÉ, BIM PAPIA KU EL, NIM SU FALA SOM ALÓ, BIM, TEM PACENÇA...
KATÓBI: NAAAAAA, NAAAA, N´FALAU DJÁ, ADEMBLÉS KI NHA PAPÉ DI BARDADI...
MAMÉ FINKA DJUJDU: NHA FIDJU NA PIDIU, NIM SI M´BIM MURRI KAU TCHORAM, MÁ ATINDI ATINDI...
KATÓBI TAMA TELEMÓVEL I FALA: ALÓ, ALÓ SIM
SI PAPÉ RUSPUNDI: YES!!, AMI SER SUA PAPÉ, TARBADJAR MUITO TIME NA GUINÉ, EU SER O BILL GATES DONO DA MICROSOFT
KI ORA KATÓBI FALA DJANAM: PAPAAAAAAAAAA, PAPAAAAAAA, AI, AI DEUS OBRIGADO, PAPA CANTO TEMPO NA BUSCAU, AI NHA PAPÉ QUIRIDO DI CORÇOM, BIM BUSCAM!!!!!

TIO CEGO

MININO TA CUMPANHA OMI CEGO PIDI ESMOLA DISNA DI PARMANHA TE FIM DI TARDI, MA TIO CEGO KATA DAL NADA...UM DIA UM MINDJER BIM DA LONGUIÇA DI ESMOLA, TIO CEGO FALA RAPAZ I STAM KUMA LONGUIÇA NA TCHERA...MININU RUSPUNDIL:TIO CEGO U IARA, NIM LONGUIÇA KA NA TCHERA...OTCHA EH RIBA CASA RAPASINHO PUI LONGUIÇA NA IAÇA...TIO CEGO TORNA FALAL MAS: MBÉ ES I KA TCHERO DI LONGUIÇA KU TAMA CONTA DI KAU SIM??

RAPASINHO NEGA, TIO MITIL KOKIDA KRAMMM!!!!
DIA SIGUINTI OTCHA EH BAI PIDI ESMOLA, RAPASINHO FILANTA TIO CEGO KU PE DI BISSILOM, I FALAL:CUIDADO!!! I TEM UM BALETA DIANTI, NA CONTA TE TRIS U TA CURRI U SALTA...1...2...3. TIO CURRI I SALTA I RUCUDJI NA PE DI BISSOLOM I CAI I DISMAIA...OTCHA I DISPERTA I FALA RAPAZINHO: MA ES I KAL NUDADI, PABIA KU KA AVISAM KUMA UM PE DI ARVORI STAM DIANTI???
RAPASINHO RUSPUNDIL: AHMMM!!! BU SIBI SINTI TCHERO DI LONGUIÇA U KA SIBI SINTI DI PE DI ARVORI, U NA FIA!!!!!!

RICAÇO BONDOSO

UM OMI CHEIO DA GRANA, ODJA UM POBRI NA KUMÉ NA LIXO, I MANDA SI CONDUTOR PARA CARRO, I RIA I FALA POBRI: NAAAA, SENHOR ENTRA NA CARRO NA LEBAU PÁ NHA CASA.
POBRI: MÁ I KÁ MI SOM DÉ, N´TENÉ NHA MINDJER KU 4 FIDJUS.
OMI RICO: I KÁ TEM PROBLEMA, FALA ELIS PÉ BIM TAM.
POBRI KU SI FAMILIA ENTRA NA CARRO EH BAI PÁ CASA DI RICO...OTCHÁ EH TCHIGA LÁ, RICO FALA ELIS: N´VIAJA BÁ, PASSA TCHIU TEMPO FORA, BÓ PUDI STA AVONTADI BÓ KUMÉ TOK BÓ FARTA, LIXO INTCHIM CASA KUM!!!!!!!!!!!!!!!!!

TIO ADEMBLÉS SEMPRE IDUCADU

TIO ADEMBLÉSS I CONDUTOR DI MADAME JACU...BAI MANDADU I RIBA ENTRA NA QUARTO DI M. JACU SIM BATI PORTA...M.JACU FALAL: NHU ADEMBLÉS NHU BATA BATI PORTA ANTIS DU ENTRAM NA QUARTO, N´TÁ SI NHU BANHAM BÁ NA BISTI!!!!!

TIO ADEMBLÉS: KÁ SENHORA PREOCUPA KILA NUNCA KÁ NA TCHIGA DI CEDU.
M. JACU: COMO ASSIM???
TIO ADEMBLÉS: AMI TÁ FACI QUESTOM SEMPRE ANTIS DIM ENTRA, DI DJUMPUNI NA BURACU DI FITCHADURA, SI NHA NA BISTI BÁ, NA PERA BÁ TOK NHA KABA BISTI!!!!!!!!!!!!!!!!

MATABITCHU!!!

GUINÉEEEE Ó BISSAU, N´ENTRA GOSSI NA PASTELARIA N´OBI UM OMI NA FALA GARÇOM KUMA I MISTI " UM SANDES DI TORRADA KU UM GALÃO DI SUMO NATURAL".

BADJUDA DI TABANKA

UM TIO DIPUS DI MANGA DEL DI CASA DESCASA...I DICIDI KUMA, SUMA MINDJERIS DI BISSAU KI VIVI KU EL I PANHA ELIS TUDU TCHAI, GOSSI I NA BAI NAM SI TABANKA PÁ BAI BUSCA NOIBA PÁ TICI PÁ BIM VIVI KU EL NA BISSAU...TIO BAI TABANKA I PAGA DOTI I TAMA NOIBA I TICI PA BISSAU...PURMERO DIA KI BAI PA "ESCOVA" NOIVA, OTCHA KILA DISPI I ODJA KILA KU MANGA DEL DI CABELO NA GITRIMENTO...I FALA NOIVA: A DEMBLÉSSS!!! U TEM KU RAPA EH CABELO...NOIVA RABIDA I TCHIAL, I KABA I FALAL: NUNCA!!! PABIA DÉ CABELO KU AMI I FAMOSA NA NÓ TABANKA, TUDU RAPAZIS TA TCMAM DI "AFRO BABY"!!!

CORTA DJUNDJUM!!

DUS OMI BAI DJUBI SE AMIGO MUÇULMANO, SUMA EH TCHIGA NA HORA DI CORTA DJUNDJUM KILA COMBIDA ELIS TAMA MUNI...MUNI PUDU SÓ NA MESA, TORMENTA UM SOM MITI DJANAM CUDJER RAPIDO I PUI NA BOCA...MUNI KEMAL NA BOCA TOK LAGRIMAS NA RIA NA UDJU...KI UTRU PUNTAL: MÁ KÉ KU NA TCHORA???

SUMA I KA MISTI FICA EL SOM KU KI KEMADURA, I FALA SI AMIGO: U SIBI, MUNI SEMPRE KUM NA CUMEL I TA LEMBRANTAM NHA FIDJU KU MURRI NA GUERRA DI SETE DI JUNHO!!
KI UTRU TAM MITI CUDJER RAPIDO I PUI MUNI NA BOCA...TEMPERATURA TAMAL CONTA DI BOCA LAGRIMAS TAM KUNSA NA RIAL NA UDJU...SI AMIGO TAM PUNTAL: N´TA ABÓ GORA, KÉ KU NA TCHORA??
I RUSPUNDIL: EH BU FITCHU NIM SI ALGUIM KÁ TCHIGA DI KUNSIL I TÁ DÁ PENA I TRISTI!!!!!!!!!!!!!!!

MÁ É MINDJER GORA!!!!!!

MINDJER LIGA SI MAMÉ...KILA ATINDI I OBI SI FILHA NA TCHORA NA TELEFONI...MÁMÁ AMI KÁ PUNDI DJÁ MAS AGUENTA EH CASAMENTI, N´KA PUDI, AI MAMA!!!
MAMÉ: AI NHA FIDJU, TENE CALMA , LEMBRA U PRENHA!!!
FIDJU: MÁMÁ, PERA N´AVISAU DJANAM, NHA OMI MUNTRUSSS DIMÁS, SÓ CONTA CONTAM MINTIDA, TANTO MINTIDA KU GOSSI DJÁ PROPI NA DISCUNFIA DI KUMA EH FIDJU KUM TENÉ NA BARRIGA NI I KÁ DI SEL!!!!!

CASAMENTO

DENTRO DI IGREJA KU INTCHI KUM PA ASSISTI CASAMENTO DI UM OMI KU UM MINDJER(GOSSI I BOM ESPECIFICA)...PADRE FALA: SI ALGUIM N´TENE ALGUM KUSSA CONTRA EH CASAMENTO PÉ BIM LI I BIM CONTANU OU ENTÃO PÉ CALA PÁ SEMPRE...MINUTU DI SELENCIO...UM OMI ALÇA MOM I KAPLI LA EM DIRESOM A ALTAR...I TCHILA LA I BAI PA PAPIA KU PADRI NA OREDJA PADRI FALAL: I PÁ TUDU GUINTI OBI, ALI MICRO U PAPIA!!!

OMI PEGA MICRO I FALA: PADRI, TEM PACENÇA KONTAM N´DÉ KI CASA DI BANHO CÓCÓ TENEM MAL!!!!!!!!!!!!!!!!

BOCA LEBI!!!!

UM NHA BRÓ, OMI SARADU MÁ DI 2 HORAS POR DIA NA GINASIO...I BAI ASSISTI UM CONCERTO NA CENTRO CULTURAL FRANCIS KU SI DAMA...OTCHA EH SAI DI CONCERTO I BAI ODJA KUMA ALGUIM LABA SI CARRO, I FALA DJANAM: FIDJIDA P#$@!!!!! EH ME@#$ U KATA MANDA ELIS LABA CARRO EH TA FACI ATRIVIMENTO LABAU CARRO KU AGU SUÇU, N´KA NA PAGA NIM BLUFU...KI ORA I SINTI ALGUIM TOCAL NA OMBRO...NHA BRÓ VIRA I ODJA UM CATIBU DI OMI PITU U TA PENSA ARMARIO BRAÇO DJUSTA NAM KU PERNA DI NHA BRÓ...I FALA NHA BRÓ: AMI KU LABAU CARRO!!!

DAMA DI NHA BRÓ FALA DJANAM: AHM I ABÓ NA CONTAU DJANAM KUMA...BRÓ FALA DAMA: U NA CONTAL KÉ!!!!! BU MUNTRUS, MINDJERIS BO TA LEBI BOCA, ES I COMBERSA DI OMIS U KA TEM NADA LA, SI KA MUNTRUNDADI...BRÓ TIRA 2 MIL I DÁ LABADUR DI CARRO I KABA I FALAL: UTRU MIS NA BIM MAS CONCERTO U TA LABAM MAS EL!!!!

CORTIS NA ORÇAMENTO!!!

KUMA MINDJER DI MINISTRO DISCUNFIADU KU HORAS TARDIO KU SI OMI TA VOLTA PÁ CASA ULTIMAMENTI, DICIDI BAI FACI KILA VISITA NA MINISTERIO SIM AVISA...TCHIGA SOM PINTCHA PORTA DI GABINETE I ENTRA...SURPRISE!!! I ODJA SECRETARIA SINTADU NA RAGAS DI SI MARIDO I FALA DJANAM: MÁ ES I KAL BANDIDASCU???
MARIDO: BANDIDASCU!!! N´FALA BADJA KUMA EH STORIA DI CORTI ORÇAMENTAL KÁ NA DÁ CERTO, N´AVISA PURMERO MINISTRO KUMA DJUNTA CADEIRA KU NHA SECRETARIA KA NA RESULTA NUNCA!!!!!

CALÇAS DI LEGGING´S!!!

OMI PIDIM ESMOLA NA SIADA DI DARLING...N´TIRA NHA POBRI 50F N´DAL...I VIRA I FALAM: KÉ ES SOM KU NA DAM??
N´FALAL: EL SOM KUM TENÉ!!!
I FALAM: ABÓ I SUMA CALÇAS DI LEGGING´S!!
N´FALAL: FACI KUMA, N´KA N´TINDI??
I FALAM: CALÇAS DI LEGGING´S KI KU TENE É KI TÁ DAU!!!!!

NUESTRA HERMANA INFERMERA!!!!

N´KÁ CIBI KÉ KUM KUMÉ KU LEBAM HOSPITAL EH MADRUGADA, NHA BARRIGA NA CURRI BÁ…N´TCHIGA NA HOSPITAL N´BAI DÁ KU M´BRUTA DEL DI CONFUÇOM…UM DOENTI KAI UM INFERMERA GUERRA, GUINTIS RUMA NA RAPATI GUERRA…CURIOSU N´PUNTA DOENTI: MÁ TIO, KÉ KU NA PASSA LI, KÉ KU BÓ TEM??

DOENTI: N´TÁ U FIA KUMA AMI DOENTI, N´DITADU NA NHA KAMA NA TCHUPA NHA SONU SABI SABOLADA, EH INFURMERA DI MEIA TIGELA TA ACHA KUMA I DIDU CORDAM EH 2HORAS DI MADRUGADA!!!
INFURMERA GRITA DJANAM: KÉ NUNCA U DISQUICI NA BU VIDA???... AMI DUTUR FALAM PAM DAU MECINHU ANTIS DU DURMI, AMI DISQUICI N´PASSA KU SONU, KILA KU PUI M´BAI CORDAL PÁ PUDI DAL MECINHU.
N´RABIDA N´PUNTA INFURMERA: KILA I KAL MECINHU KU DISQUICI DI DAL???
INFURMERA: MECINHU DI SONU!!!!!!!!!!!!!!!!!!!!!!!!!!!!

TOCA TOCA

OMI GARANDI PANHA TOCA TOCA CUNTUM MADINA PÁ ANTULA BONO...TOCA TOCA INTCHI KUDEM...PASSADU UM BOCADO UM TELEMOVEL TCHAMA UM SENHOR ATINDI I FALA: ALÓ SIM, OI AMOR, AH NÃO I KÁ NA DÁ, STA NAM SI NA CARRO NA CAMINHO DI BULA NA RIBA SÓ DINOTI...2 MINUTOS DIPUS UTRU TELEMOVEL TCHAMA, UM BADJUA ATINDI: ALÓ SIM PAPY, AI I PENA NHA TCHIGA NAM SIM HOSPITAL, NA DONA NA PASSA MAL...PASSADU MAS UM BOCADU UTRU RAPAZ ATINDI: SIM PATRON, NA N´KA BAI AÓS PABIA NKUNSA NA RIBA NAM SIM BISSAU, CIRIMONIA KABA TARDI...OMI GARANDI SAI NA FALA I GRITA: CONDUTORRRRRR, PARA EH BU TOCA TOCA JÁ, MISTI RIA, SÓ MUNTRUSSIS KU INTCHI LI, NIM KÁ SIBI DJÁ PROPI PÁ N´DÉ KU NÓ NA BAI SIM!!!!!!!

S.O.S URGENTI!!!

HISTORIA TRISTE...N´BAI TABAKANCA DI NHÉFLATU, N´BAI DIPARA LÁ KU UM CASO INSOLITU...UM RAPAZ KU STA A 5 DIAS RETADU NIM SAI DI CASA I KA PUDI PABIA DI DUR...EH FALAM KUMA INFERMERA BAI BADJA LÁ I DAL INJECÇÃO MA MEMO ASSIM NADA...EH MANDA TCHAMA UM MURU, KILA BIM I KUMA RAPAZ SI PUCU DINHERO NADA TAM I KÁ RESOLVI...MÁ I TEM UM DJAMBACUS KU FALA I PUDI CURAL MÁ I NA PIDI TCHIU DINHERU...RAPAZIADA DI TABANKA KU PENA EH COTIZA PÁ DJUDA KU MOM, MÁ DINHERO KA COMPLETA...GUINTIS NA DISKUNFIA KUMA AMIGO TA "ESCOVA" MINDJER CASADA, KI DOENÇA I TARBADJU DI OMI DI MINDJER...UTRUS KUMA AMIGO BIBI NAM VIAGRA I EXAGERA NA DOSI...MÁ AMIGO KUMA I KÁ NADA DI KILA, EL I DITA I DURMI I CORDA DJANAM KU KI NUDADI...
AMI MEM, N´TENÉ ALGUNS AMIGAS KU LIGAM DJÁ KUMA É PUDI GASSIDJA RAPAZ NA CE CASA PÉ PUDI CURAL DRITU...MÁ FAMILIA DI RAPAZ NA DISCUNFIA DI SE INTENÇOM...
POR ISSO, I NA PIDIDU TUDU GUINTIS DI BOA VONTADI PA DJUDA COMPLETA DINHERO PÁ PAGA DJAMBACUS.

PS: DEPOSITO NA FACIDO NA NHA CONTA NA BAO.

I QUISTOM SÓ DI PURMERU MINISTRO ACREDITA!!!!!!!

OMI DJOPOTI DINOTI NA SI JEEP PÁ KAU DI MURU...KOM KOM KOM...MURU ABRIL PORTA I FALAL: A NHU KU LIGAM??
OMI: SIM I AMI...
MURU MOSTRAL STERA PÉ SINTA I PUNTAL: KÉ KU TISSIU N´DÉ MI??
OMI ABRI UM ENVELOPE GARANDI I TIRA DUS FOLHA I N´TREGA MURU I FALA KILA: CV NA N´TREGADU DJÁ PÁ FORMAÇOM DI GUVERNO, ES I DI MI KUM TICIU PAU BIM TARBADJAL ANTIS DI NTRAGA PM EL, U SIBI I MUITO IXIGENTI.
MURU TAMA CV I PEGA I ALÇA RIBA, I VIRANTAL CABEÇA BÁS PÉ RIBA, DIREITA PÁ ESQUERDA I CABA I FALA OMI: KÁL MINISTERIO KU MISTI??????
OMI: FINANÇAS, TRANSPORTE OU RECURSOS NATURAIS...
MURU: LANAT I FIRMA I FALA: SAFURLAIIII!!!! É TARBADJU KÁ PIKININU DÉ!!!
OMI: N´SIBI, É KUMANDA N´BIM DÉ BÓ, EH N´GABAM BÓ!
MURU: PUI 750 MIL PÁM KUNSA TARBADJA...MÁ NA É DEZ DIA KUM NA TARBADJA É BU CV BÁ TIRAL DI CICLO PÁ MESTRADO, U TEM KU FICA SIM TAMA BANHO, SIM TOCA MINDJER I SIM BIBI ALCOOL!!!
OMI SAI DJANAM DI MURU DIRETAMENTI PÁ TABANKA DI SI DONAS , PÁ KÁ KAI NA TENTAÇOM...
DEZ DIA DIPUS, GUINTIS NA TABANKA KÁ PUDI BADJA KU TCHERO PROPI...OMI BIM N´DÉ MURU DINOTI...MURU N´TREGAL SI CV TARBADJADU...MESTRADU NA ECONOMIA E FINANÇAS, DOTORAMENTO NA TRANSPORTE, PROFESSOR HONIRIS CAUSA NA RECURSOS HUMANOS...
OMI SACA KI 750 KU NA FALTA I CABA I FALA MURU: ABÓ I NHA DEUS, GOSSI I SOM PAM BAI N´TREGA PM EL.
MURU FALAL: N´TREGA I BATA REZA PÁ MANÉ KU FIA NA MI SIM, PÁ PM FIA TAM NÉ CV!!!!!!!!!!!!!!!!!

ABUSADU!!!!!

UM "JOVEM" VIRGEM DI 35 ANO N ' TÁ VIVI KU SI TIO KU MINDJER DI SI TIO, UM DIA JOVEM BIM NA PASSA MAL TIO KU SI MINDJER CARGAL EH LEBA PÁ HOSPITAL, MEDICO EXAMINA I FALA: ÉS STA NA UM STADO GRAVISSIMO SI KÁ "ESVOVA" DENTRO DI 10 MINUTU I NA MURRI...SUMA ALTERNATIVA KÁ TEM, TIO CONVENCI SI MINDJER NA DJUDA JOVEM KU PÓ DI CURPU...DIPUS DI 2 HORAS FITCHADUS NA QUARTO DI HOSPITAL, (TIO NA CALURA I NA SECO NA LADO DI FORA KU FLEMA)JOVEM RICUPERA EH BAI PÁ CASA...DUS DIA DIPUS, TIO DITADU NA DURMI NA QUARTO KU SI MINDJER, I OBI PORTA NA KONKIDU...KOM KOM KOM...TIO: I QUIM???
JOVEM: I AMI TIO, N ' KA STA NA SINTI MAS NADA BEM!!!!
TIO: SEU FIDJU DA P@#$, EH BIAS GORA NA MURRI KU NA RESTA!!!!!!

MÁ OMIS GORA!!!!!

NA MIS DI DEZEMBRO BADJUDA FALA SI AMIGA: U KA SIBI KUMA N´FALA NHA RAPAZ, AMOR AMI NA NATAL UM SAMSUNG GALAXY NOTE 3 KUM MISTI, I TÁ RABIDA I RUSPUNDIM: AMOR KILA PIKININU DIMAS PÁ BÓ, NA DAU NAM DIRECTOR GERAL DI SAMSUNG ASSIM BU NÁ TENE TUDU NOVIDADES DI SAMSUNG.

AMIGA: KUREDAAAA!!! BU KÁ SAI FORA KU EL???
BADJUDA: NADA BÓ, SI MISTI PÉ COBA NHA FAMILIA TUDU, NADA N´KÁ NA FALAL, EH OMIS NA DEZEMBRO EH TÁ MISTI SOM PÁ BÓ TARPADJA PÉ KÁ BIM DAU NADA!!!!!!

YODÉ A LÁ PAUTA SAI

PAPÉ TCHIGA CASA I SINTA SÓ NA SOFÁ I GRITA SI FIDJU: NUNOOOOO, NUNOOOOOOO...
NUNO-PAPÁAA NA BIM...
NUNO TCHIGA NA SALA PAPÉ PUNTAL: NUNO É FALAM KUMA BÓ PAUTA SAI, KUMA KU FICA???
NUNO- PÁPÁ, U TÁ LEMBRA DI KI NHA COLEGA HÉLDER, KI ALUNO KU TA BAI SEMPRE QUADRO DE HONRA?
PAPÉ- SIM N´TÁ LEMBRA.
NUNO- YÓ PÁPÁ, HÉLDER TCHUMBA!!
PAPÉ-MÁ AMI I KÁ...
NUNO, KÁ DIÇA PAPÉ KABA PAPIA I FALAL: PÁPÁ U TÁ LEMBRA DI KI NHA COLEGA NANDO, KU TA BIM CASA I BIM DAM EXPLICAÇOM??
PAPÉ-SIM...
NUNO-KILA TAM TCHUMBA!!!
PAPÉ- EIII!!!, PARA PAPIA DI BU COLEGAS, AMI MISTI SIBI SI ABÓ BU PASSA OU NÃO???
NUNO-PÁPÁ BÚ PARVO NAM OU NA TRENA NAM PÁ CEDU??? SI KILAS TUDU TCHUMBA KUMA KU MISTI PAM PASSA!!!!!!!!!!!!!!!!!!!!!!!!!!!!!!

MINTIDAS DI CAMPANHA

OMI COMBINA KU SI CATORZINHA PÁ BAI PASSA FIM DU SUMANA FORA, I PERA NA ORA DI JANTAR I VIRA I FALA SI MINDJER: PRINCESA DI MI, AMANHA NÓ CANDIDATO NA BAI ZONA LESTE NÓ NA FICA 3 DIA NA QUI LADOS.
MARIA VIRA I FALAL, MINDJOR NÓ APROVEITA NO RAÇA NÓ PIDI DEUS PÁ TUDU CURRI DRITU.
OMI- OK, OK, FACI POM ORAÇOM.
MARIA: DEUS NOSSO KU STA NA CÉU...
OMI-AMEM!!!
MARIA-...PÁ VIAJEM DI NHA AMOR CURRI DRITU SIM PROBLEMA..,.
OMI-ALELUIA!!!
MARIA-...MÁ DEUS, SI NHA MARIDO BIM BÁ MISTI CAI NA TENTAÇOM, PÁ SI "TRIMANCOLÓ" KÁ LANTA...
OMI CALA BOCA...MINDJER CONTINUA: I SI BIM CAI MESMO, DEUS FACI PÉ KA TCHIGA EH CASA KU VIDA I SAUDI, ORA KI NA RIBA CASA PÁ CARRO RABIDA KU EL NA CAMINHO!!!!
OMI- I DJUSTA, I DJUSTA!!! PENSANDO BEM, N´DISISTI DÉ VIAJEM!!!!!!!!!!!!!

LÓGICA DI DUTUR

UM OMI GARANDI DI SI 86 ANOS BAI NUNDÉ DUTUR...I TCHIGA I FALA DUTUR: N´STA PREOCUPADU KU NHA SAÚDI, ULTIMAMENTI NHA "BERKILÓ" KATA SETA LANTA NÓ PADIDU GORA DJUNTU NÓ TEM KU MURRI DJUNTU.
DUTUR: TIO, NA BU IDADI I NORMAL PÁ "BERKILÓ" NEGA LANTA DJÁ.
OMI GARANDI: NAAAAAAA!!! AMI N´TENÉ UM NHA PRIMO KU TENÉ 89 ANO, KU FALAM KUMA EL TÉ GOSSI I TÁ DÁ TUDU DIA 3.
DUTUR: TIO, ABÓ KÁ TENE NIM UM PROBLEMA NA GARGANTI I NIM NA VOZ, U PUDI TAM FALA GUINTIS MEMO KUSSA!!!!!!!!!!!!!!

MÁ DINHERO TA CIRCULA RAPIDO NA BISSAU NANDÓ BÓ!!!!!

SENEGALÉS BIM DI DAKAR...BAI DIRETAMENTI PÁ QUI PENSOM DI "BATIMENTOS" KU PATCHARI NA BISSAU...SUMA KAU KÁ STA DRITU, DUNU DI PENSOM EL KI BALCONISTA...I FALA SENEGALES I 10 MIL POR DIA...KILA DAL 10 MIL I BAI KU MALAS PÁ QUARTO...DUNU DI PENSOM TAMA DJANAM KI 10 MIL I SAI RAPIDO I BAI PAGA RAPAZ DI EAGB KU LIGAL LUZ NA "ESQUÉ" KILA NA AMEAÇA BADJA DISLIGA LUZ...RAPAZ TAM DI EAGB, TAMA TAM QUI DEZ MIL I FEKIL DJANAM PÁ CASA, PÁ BAI PAGA QUARTO QUI MORA NEL, PABIA DUNU DI CASA NA AMEÇA BADJÁ PUL NA RUA...DUNU DI CASA PÁ SI VEZ, PEGA NA QUI DEZ MIL I BAI PAGA SI CATORZINHA QUI NA DIBI BÁ DUS "ESCOVAMENTU", KILA NA AMEAÇA BADJA TUDJI KU GITRIMENTU...BADJUDINHA TAM TAMA KI 10 MIL I BAI PAGA RAPAZ KU TÁ TICI ROPA DI BINDI KU NA AMEAÇA BADJA LEBAL POLICIA...RAPAZ KU TA BINDI ROPA TAMA 10 MIL I BAI PAGA DUNU DI PENSOM DI "BATIMANTO" KU NA AMEAÇA BADJA TUDJIL ENTRADA NA ESTABLECIMENTO, OTCHA I TCHIGA PENSOM I N´TREGA SOM OMI DI PENSOM DINHERO NA KI PRECISO MOMENTO SENEGALES TAM SURGI KU SI MALAS I FALA DUNU DI PENSOM: MI KÁ GOSTA DI QUARTA MI TAMA DINHER BAI BUSCA UTRU KAU...I TAMA SI DEZ MIL I BAI SI VIDA.
OU SEJA, GUINTIS PAGA N´UTRU DIBIDA, DINHERO KABA I RIBA N´DÉ KI SAI BA NEL. FINAL FELIZ!!!!!

GUIGUI AZARADO

GUIGUI ATREVIDO KÁ KUNSI SI LUGAR DICIDI IMIGRA PÁ SENÉGAL...TCHIGA DAKAR NA SETE PLACE...BAI PANHA TAXI PÁ N´DÉ KÉ FALAL...TAXISTA PUNTA: ON VA OU?
GUIGUI:YOFF
É RANCA PÁ YOFF, TCHIGA LÁ TAXISTA PUNTA: ET ALORS?
GUIGUI: VÁ SAMPRE EM FRAN
...DIAS DIPUS I BIM PISTA CARRO DI SI AMIGO, I BIM PAI PARA PA ABASTECI I FALA MINDJER NA BUMBA: DU GASOLÉ
EH KÁ N´TINDI N´UTRU CONFUSOM RANCA NA BUMBA...POLICIA TCHOMADU, GUIGUI DAPNIL...I DICIDI KUMA DAKAR I KÁ PÁ REL...I MARA SI TIO MOM I IMIGRA PÁ INGLATERRA MAIS PRECISAMENTI PÁ LEEDS...UM DIA I BIM ENTRA NA UM BAR I SINTA NA BALCOM, PASSADO UM BOCADO UM INGLIS ENTRA I SINTA AO LADO DEL...INGLIS PIDI CAFÉ, OTCHA INGLIS LAMBU CHAVENA DI CAFÉ PÁ PUI NA BOCA, GUIGUI RIANTAL MOM I FALAL: FORMI, FORMI...
INGLIS KÁ N´TINDI...I LANTANDA MAS CHAVENA, GUIGUI RIANTAL EL I FALAL: FORMI FORMI...
INGLIS LUTADUR OLIMPICU NERVA I DÁ GUIGUI UM SUTI GUIGUI CONSIGUI SAI BÁ DEL I FEKIL PÁ CASA...GARÇON KU NA SIRBI NA BAR BIM PIRCIBI KÉ KU PASSA I MOSTRA INGLIS KUMA FORMIGA STABA NA CHAVENA, KILA KU GUIGUI NA TENTA EXPLICA...INGLIS FICA KU REMORSU...DIA SIGUINTI, GUIGUI SUMA I MORA PERTU DI BAR I DICIDI BAI LA MAS, DIDU MÉ INGLIS MORA NA SEGUNDU ANDAR DI UM PREDIO KU STA DIANTI DI BAR...NA BARANDA I ODJA GUIGUI NA BAI PÁ BAR I DICIDI TCHAMAL PÁ PIDIL DESCULPA...INGLIS GRITA GUIGUI: HEI!!! COME HERE, COME HEAR..GUIGUI FALA: FACI K!!! COMME HIER(SUMA AONTI), I GRITA INGLIS: VÁ FOCK BÓOO, I FEKIL MÁS PÁ CASA.

GRANADA!!!

CASA PEGA FUGU NA BOR...BUMBERUS TCHAMADUS...DONA CASA BAI BÁ SI FERA...I NA TCHIGA I ODJA BUMBERUS NA ENTRA CASA PA BAI PAGA FUGU...MINDJER RANCA PUPA: GRANADA, GRANADA( BUMBERUS KÁ OBI)...SI VIZINHO FALAL: NHA IVETI CALMA, GRANADA KÁ STA LA DENTRO...N´TA MINDJER LEMBRA DI MALA DI SI OMI KU STA DENTRU, I PEGA PUPA: MALA DI GRANADA MALA DI GRANADA...PADJIGADA KUDI...BUMBERUS NA MAÇA N´UTRU PA CURRI...UTRU BUMBERO PANHADO KU MANGUERA NA CABEÇA LI NA CHAPA DI BISSAU...AFINAL DAS CONTAS, OMI DI MINDJER SI NOMI I GRANADA!!!!!I

MINISTRU!!

OMI RIÇU MOM TOK...BAI IRAM PÁ BAI PIDI PÁ CEDU MINISTRU...TCHIGA LÁ KU SI 33CL DI CANA...DJAMBAKUS FALAL: É SÓ KU TICI??
OMI: NHU SIBI, KAU KÁ STA DRITU.
DJAMBAKUS: HUMMM!! BAI DARMAL NA IRAM U PIDI KÉ KU NHU MISTI I U TÁ KONTAL TAM, ORA KU BIM ODJA KÉ KU NA TACI PÁ BIM PAGA BÓCA. 
OMI KUNSA DARMA I FALA: MISTI CEDU MINISTRU DI FINANÇAS, SIM CEDU, NA TICI MÉ LITRO DI CANA KU UM GALINHA PÁ BIM TORNA BÓCA. 
VAMMMMM...OMI TOMÁ UM TIPO DI BÓFOTADA I CAI I DISMAIA...I BIM DISPERTA I PUNTA: MÁ I KÉ???
IRAM FALAL: NHU KÁ TENÉ NUÇOM DI QUANTIDADI I NHU MISTI CEDU MINISTRU DI FINANÇAS!!!!!!!!

BALATU BALATU NA IGREJA

PADRI NOBO KUNSA TCHIGA IGREJA...I FALA SACRISTOM: AMI N´KA TENE NIM EXPIRIENCIA DI CONFESSA GUINTIS GORA...SACRISTOM FALAL PERA NO ENTRA DJUNTO NA CONFISSIONÁRIO PAM PUDI ORIENTAU NA PURMERO GUINTIS...PURMERO I BIM UM MINDJER KU FINCA JOELHO I FALA: PADRI N´TRAI NHA MARIDO...SACRISTOM FALAL: KANTO BIAS?
MINDJER: 3 BIÁS!!!!
SACRISTOM: BAI REZA 5 PAI NOSSO I ORA KU NA SAI U TA DIÇA 10 MIL NA CESTO DI IGREJA...
UTRU MINDJER BIM MÁS I FALA: PADRI N´TRAI NHA MARIDO...SACRISTOM FALAL: CANTO BIÁS???
MINDJER: TRIS BIÁS!!!
SACRISTOM: REZA 5 PAI NOSSO I NA SAIDA DIÇA 10 MIL NA CESTO...
SACRISTOM VIRA I FALA PADRI: M´BOM GOSSI ABÓ KU TEM...
PASSADO UM BOCADO UM UTRU MINDJER TORNA TCHIGA MÁS I FALAL: PADRI N´TRAI NHA MARIDO
PADRI: CANTO BIÁS???
MINDJER: DUS BIÁS!!
PADRI: AÓS NÓ STA NA PROMUÇOM, PÁ DEZ MIL U PUDI BAI TRAIL MÁS UM BIÁS!!!!!!

B.I TÁ REVELA TUDO!!

MININU PUNTA SI MAMÉ: MÁMÁ, KAL KI BU IDADI?
MÁMÉ: ÉS KATA PUNTADU. 
FIDJU: MÁMÁ, KAL GORA KI BU ALTURA?
MÁMÉ: I KATA PUNTADU TAMBI
FIDJU: KÉ GORA KU PUI BÓ DIVORCIA KU PÁPÁ???
MÁMÉ: DIXA CHATIAM!!! PARA PUNTA PUNTA.
FIDJU BIM BAI BRINCA SI AMIGO ODJAL CHATIADO I PUNTAL :NTA I K???
NHA MÁMÉ KU NEGA RUSPUNDI NHA PERGUNTAS. 
COLEGA FALAL: GARANDIS TCHIUS SEGREDUS, MÁ LAMBU SOM SI BILHETE DI IDENTIDADI U NA DISCUBRI TUDO.
FIDJU BIM APROVEITA MÁMÉ STA KU VISITA I BAI RABISTA BOLSA I ODJA B.I I RANCA PÁ SI MAMÉ... MÁMÁ N SIBI DJA TUDU: BU TENÉ 36 ANO, BU TENÉ 1.63 DI ALTURA, I PÁPÁ CABA KU BÓ PÁBIA U PANHA "F" DI FRACU NA SEXO!!!!!!!!

3° VOLTA

MÁMÁ, MÁMÁ KÉ TERCERA VOLTA KÁ NA TEM??
MÁMÉ: NHA FIDJU I TÉ SEGUNDA, PABIA KU NA PUNTA?
FIDJU: PUXA PÁ, PÁPÁ DADO BICICLETA NA PURMERA VOLTA, ALI É PINTCHAL MOTA PÁ É SEGUNDA VOLTA, TUDU MANERA SI TERCERA TEM I NA DADO CARRO, NKUDA!!!!!!!

VIDA DI GUIGUIS

GUIGUIS (ORA KU SALARIO NA PAGADO TUDO 30)TÁ MUDA DI PARTIDO 4 BIAS POR MIS: DI 1 A 8 I TÁ SEDU DI FPI( FINANCEIRAMENTI PUTENTI I INTOCAVEL)...DI 8 A 15 I TÁ SEDU DI PIT(PROBLEMAS INTERNO DI TESOURARIA)...15 A 23 I TÁ SEDU DI PT(PIRIGOSAMENTI TIMBERU)...DI 23 A 31 I TÁ SEDU DI MMPC( MARA MOM PÁ CUMÉ)
ORA KU SALARIO KA BIM TEM NAM I TÁ FICA NA SPPV (SUTA PÓ PÁ VIVI)

CABEÇA GORA KI PECADUR!!!!

UM DUDU PUNTA SI COLEGA DUDU: OMI, CANTO HORA KU TENÉ?
KI UTRU DUDU RUSPUNDIL: N´TENÉ 128 KILOS...KI UTRU DJUBI TAM SI RELOGIO I FALAL: AMI N´TENÉ 35 LITROS ADIANTADO POM!!!!

FARMÁCIA MODERNA

RAPAZ BAI JANTA NA CASA DI SI BADJUDA, PÁ PUDI KUNSI SI COTAS...NA MESA DI JANTAR BADJUDA BIM KUNSA NA SINTI MAL, RAPAZ BAI CUMPANHAL PÁ QUARTO...I BAI TARDA LÁ DI CUMPRIDO NA "ESCOVAMENTO", BIM SUPORTA I SAI RÁPIDO I DISQUICI FITCHA FEIXO DI CALÇA...I ENTRA SOM NA SALA, PAPÉ FALAL DJANAM: N´TÁ KUMA KU TARDA SIM, DJUSTU DI CUMPANHA!!!
RAPAZ FALAL: U SIBI I BIM BAI NA PRECISA DI MEDICAMENTO, N´FICA LA PÁ DAL EL...
PAPÉ FALAL:AHMMM!! M´BOM GOSSI, SUMA U KABA DAL MEDICAMENTO, NHU TÁ FITCHA POM PORTA DI FARMACIA!!!!!!!!!!

PLAYBOY

NOIVA BAI CABELEIREIRA NA DIA DI CASAMENTO SI MINDJOR AMIGA BAI CUMPANHAL... ORA BIM NA BAI TOK I PASSA...PREOCUPADA I DICIDI LIGA SI NOIVO PÁ AVISAL...NOTA KUMA SI TELEMOVEL STA SIM CARGA I FALA SI AMIGA PISTAM TELEMOVEL PAM LIGA, KILA DAL I MARCA NÚMERO DI SI NOIVO I ODJA I SAI NA ECRAM "AMOR DI MI"...NOIVA TÁRANTA I DISLIGA, I FALA TUDU MANERA IARRA NAM...I DICIDI PISTA TELEMOVEL DI CABELEIREIRA...I MARCA PÁ LIGA I ODJA I SAI NA ECRAM "NHA XULU FOFO"...NOIVA STA INDA NA CUIDADO INTENSIVO TÉ AÓS...

XICO SPERTO CANDIDATO.

XICO SPERTO BAI FACI COMICIO NA FARIM, I TCHIGA LÁ I RANCA COMICIO...N´PUNTA:
- BÓ TENÉ LUZ LI???
GUINTIS RUSPUNDI: NÃOOOOOOO
-BÓ TENÉ IAGU?????
-NÃOOOOOO
-BÓ TENÉ POSTO DI SAÚDI???
-NÃOOOOOOOO
-BÓ TENÉ SCOLAS??
-NÃOOOOOOO
-BÓ TENÉ EMPREGO LI???
-NÃOOOOO
XICO SPERTO SAI NA FALA: PORRRRRRA PÁ, QUÉ GORA KU PÓ NA PERA PÁ MUDA DI CIDADI!!!!!!!!!!!!!!!!!!!!!!!

NÓ HISTÓRIA DI VIDA REAL.

UMA HORA DI MADRUGADA…

ROSA: N´TCHALA…N´TCHALA CORDA BOLSA DI AGU REBENTA…

N´TCHALA LANTA RAPIDO NA CAMA, LIGA LAMPADA DI TELEMOVEL PA DA CLARIDADI…SAI NA RUA PÁ TENTA PARA TAXI…NADA…NIM UM CARRO NA RUA, CURRI PÁ KAU DI VIZINHO CU TENÉ CARRO, AZAR KILA KA STA NA CASA, VIZINHO MINDJER BAI PADI NA PORTUGAL I FICA I TOMÁ CONTA DI RUA…OTCHA N´TCHALA NA CURRI PÁ RIBA CASA N´CONTRA KU UM CARRO NA PASSA…N´TCHALA NA METADI STRADA QUASI KI NA ATROPELADU BÁ…CARRO PARA N´TCHALA KU LAGRIMAS NA UDJU PIDI OMI BOLEIA…TCHIGA HOSPITAL PARTERA FALAL DJUBI, I  TEM KU CEDU CEZERIANA…PUNTAL SI TENÉ DINHERU PÁ PAGA…N´TCHALA PUNTAL I CANTO?

INFERMERA: TUDU KU MEDICAMENTOS 50 MIL…

N´TCHALA FALAL I KÁ TENE KILA, I TENÉ SOM 27 MIL KI CONSIGUI DJUNTA…INFERMERA FALAL PERA NA RIBA GOSSI…INFERMERA, ENQUANTO ROSA NA PUPÁ DI DUR NA CAMA DI PARTO, BAI NA DISCUTI KU SI COLEGAS NÓS PÉ CETA 27 MIL…15 MINUTUS DIPUS I RIBA I TAMA DINHERO…
PARTO COMPLICA…INFERMERA BIM FALA N´TCHALA PÉ RANDJA  DINHERO PÁ CUMPRA SANGUI…
N´TCHALA KI ORA KAI NA TCHOM DI JOELHOS, MOM NA CABEÇA…N´TCHALA RIBA TRÁS  NA TEMPO…
I LEMBRA OTCHA I BAI KUMPU FITCHADURA NA KAU DI PAPÉ DI ROSA…LA KI ODJA ROSA PURMERO BIAS…ROSA NA CANTA I NA SECA ROPA, TÉ AÓS KI MUSICA FICAL NA CABEÇA…
I BIM CONSIGUI UM BOM CONTRATO PÁ UM OBRA, I PÁ KA PIRDI KI CHANCE, I BINDI ÚNICO BEM KU SI PAPÉ FICAL KU EL, TERRENO PÁ CUMPRA MATERIAL PÁ EXECUTA KI OBRA…
KI TEMPO KI TIRA ROSA NA SE KAU, EH BAI MORA DJUNTU, I NA TARBADJA I NA PAGA ROSA SCOLA…MÁ DISTINO AS VEZES TÁ PREGANO PARTIDAS…GOLPI BIM DADO, CONTRATO CANCELADO, N´TCHALA FICA KU UM PREJUIZO GARANDI NA MOM…VIDA KUNSA ENDA PÁ TRAS, CLIENTIS KÁ TEM, ROSA LARGA SCOLA, I BIDA BIDERA DI PIS NA FERA, PÁ DJUDA KU MOM NA CASA…EH TEVE KU SAI NA CASA KÉ LUGA BÁ, EH BAI RANDJA UM QUARTO EH MORA…UM TIRO POR DIA, AS VEZES NIM KILA…ROSA BIM FICA GRAVIDA…
GOSSI ALI N´TCHALA NA TCHOM KU MOM NA CABEÇA SIM DEZ MIL NA BOLSO PÁ SALVA SI ROSA, PÁ SALVA KI VOZ KU MUDA SI VIDA, SALVA SI FIDJU KU ROSA NA DAL…I RIBA MÁS TRÁS NA TEMPO, I LEMBRA DI ULTIMO ELEIÇOM, I LEMBRA DI KUMA, PABIA DI SI INFLUENCIA NA ZONA N´DÉ KI MORA BÁ, UM CANDIDATO DAL DINHERO PÉ CONVENCI GUINTSI NA VOTA NEL, UM CANDIDATO KU FALA BÁ GUINTIS KUMA I NA MUDA GUINÉ BISSAU, EDUCAÇÃO, JUSTIÇA, SAUDI…SIM SAUDI…
I LEMBRA KUMA I CÁ ERA BÁ SI CANDIDATO, PABIA I SIBI BÁ KUMA KILA KÁ NA FACI KI KI PROMETI…MÁ I BAI SI TRÁS PABIA DI SI GANANCIA…AÓS KI SAUDI KU KA MUDADO, KI JUSTIÇA KU TUDJIL PÉ CUMPRI KU EL  KI CONTRATO DI OBRA, KI TERRA KU KÁ BAI DIANTI…AÓS KILÁ TUDU KAI NA SI CABEÇA, KILA TUDU KAI NA VIDA DI SI ROSA I DI SI FIDJU…

HISTORIA DI N´TCHALA PUDI BÁ TENÉ UM FIM TRAGICO, SI KÁ SORTI KU CRUZA SI CAMINHO KU UM FIDJU DI DEUS KU STA BÁ NA KI HOSPITAL NA MEMO HORA, I SALVA ROSA KU FIDJU DI N´TCHALA KU DINHERO, NÁ UM HOSPITAL N´DÉ KU GUINTIS JURMENTA SALVA VIDA.

HISTORIA DI N´TCHALA, I DI NÓS TUDU  KU KA TENE NIM HORA NIM DIA DI ENTRA NA KI HOSPITAL…NHA GUINTIS, KÁ NÓ CETA IARRA MÁS!!!!

DEPUTADO

UM CANDIDATO A DEPUTADO NA BINAR FALA GUINTIS DI BINAR KUMA SI GANHA I NA KUMPRA UM GERADOR GARANDI PÁ BINAR...I GANHA...I CUMPRA TAM GERADOR GARANDI...MÁ NUNCA GERADOR KA PUDU TARBADJA, 6 MIS DIPUS GUINTIS DI BINAR RESOLVI BAI PIDIL SATISFAÇÃO...DEPUTADO FALA ELIS: N'FALA NA CUMPRA GERADOR N ' CUMPRA...PRÓXIMO ELEIÇOM SI BÓ VOTA MAS NA MI NA CUMPRA GASÓLEO!!!!

LINGUAGEM ELEITORAL NA CAMA.

OMI KU SI MINDJER TENÉ PARTIDOS DIFERENTE...COLEGAS DI OMIS FICA EH NA MITIL BOCA: ES KÁ PUDI SEDU, N´DÉ KU NA VOTA NEL LÁ KU BU MINDJER TEM KU VOTA NEL, OU TÁ BISTI CALÇA OU TÁ MARA PANO??
OMI KÁ PUDI SAI FORA KU MINDJER I DICIDI TIRA SI MINDJER FALA...UM SUMANA DIPUS, DITADUS NA CAMA, OMI CURPO NA PIDI I TOCA MINDJER, KILA KÁ KUDIL, I TOCAL MAS...NADA...I FALA SIM MINDJER: PARA ES KU STA NEL SIM.
MINDJER FALAL: LI AÓS, NADA U KÁ NA OTCHA!!!
OMI SAI DJANAM NA FALA: AMANHA NA MITI QUEXA NA CNE, ES KÁ PUDI CEDU, MISTI VOTA U NEGA DAM URNA...
MINDJER FALAL: QUEIXA, BAI DJANAM É MANDRUGADA, N´KÁ MEDI, PABIA EH NHA DICIZOM I JUSTA, LIVRE I TRANSPARENTE!!!!!!

DEMOCRACIA

CONTAGEM DI VOTO NA UM MESA NA BUBAQUI... É CONTA, É CONTA...É DATI É ODJA UM BOLETIM N´DÉ KU ALGUIM VOTA NA TUDO CANDIDATOS...DUNU DI BOLITIM, UM OMI GARANDI, FIRMA BÁ LA PERTO NA OBSERVA CONTAGEM, I FALA DJANAM: KÉ KU BÓ MISTI, ELIS TUDU I FIDJUS DI TCHOM, KABA UM SOM TENÉ COMO PRIORIDADI ESTRADAS, KI UTRU EDUCAÇÃO KU SAUDI, KI UTRU PAGA SALARIOS, KI UTRU LUZ KI UTRU RAFORMA, KI UTRU AGRICULTURA...N´PENSA TERRA PERCISA DI TUDU ES!!!!!!

I MÁ NADA!!!!

OMI DJUNTA DINHERO I MANDA SI FIDJU PÁ BAI ENTRA UNIVERSIDADI NA PORTUGAL...JOVEM BAI, PURMERO ANO I PASSA MÁ I DIÇA DUS CADEIRAS..PAPÉ CONTINUA NA MANDA DINHERO, SI BEM KI TA MANDAL TAM CONTA DJUSTU...SEGUNDO ANO JOVEM PASSA MÁ I DIÇA TRIS CADEIRAS...OTCHÁ I BIM PASSA PÁ QUARTO ANO, MÁ KU 8 CADEIRAS EM ATRASO I LIGA SI PAPÉ PÁ KILÁ MANDAL DINHERO, PAPÉ FALAL: DJUBI NHA FIDJU, AMI KU MAMÉ KU BU ARMONS, NÓ TÁ SINTA NAM NA TCHOM PÁ KUMÉ, N´KA NA MANDAU DINHERO, LARGA ESCOLA U RIBA KU KI CADERAS KU TENÉ, PABIA EH NA DÁ MUITO JEITO LI NA CASA.

DXCULPEM QUALQUER COISA, MAS NÃO RESISTI!!

NHA VIZINHO GOSSI TÁ DURMI NAM KU PORTA DI DIANTI I PORTA DI QUINTAL TUDU ABERTO...N´PUNTAL NÓS I KÁ MEDI LADRON????
I VIRA I RUSPUNDIM: LADRONS KÁ TEM TEMPO EH TEMPO, EH STA TUDU NA CURRI TRÁS DI VOTO!!!!!!!!!!!!!

ENSINAMENTOS CONFUSOS!!!

BADJUDA TCHIGA I FALA SI MAMÉ: MÁMÁ, N´STA GRAVIDA!!!
MAMÉ: KUREDAAAAA!!! NHA FIDJU AMI N´SINAU DRITU, N´FALAU SI OMI TOKAU NA MAMA U TA FALAL NA PURTUGUIS "NÃO", I SI PUI MOM NA GITRIMENTU U TA FALAL "PARA", KUMA GORA KU DIÇA I MUNIU SIM??
BADJUDA: MÁMÁ, KI DIA NA SI QUARTO I PUI UM MOM NA NHA MAMA KI UTRU NA GITRIMENTU AO MEMO TEMPO, N´FALAL TAM: NÃO PARA!!!!!!

ZOVEM TCHUDA

NA PROVA ORAL DE 12° ANO, PURSSORA- CAL KI CAPITAL DI ARGENTINA?...TCHUDA PENSA I PENSA...P URSSORA FALAL: PERA N'DAU UM AJUDINHA...BUENO
TCHUDA FALAM DJANAM: BUENO DIAS!!!!
PURSSORA NA DAU MAS UM OPORTINIDADI: KAL KI CAPITAL DI TAIWAN????
TCHUDA RUSPUNDI RÁPIDO: MADE IN!!!!!!!!

GANANCIA!!

TCHUDA STA CHEIO DI DISEJO DI “ASSUNTA” KU AISSA, UM DAMA BONITA I GOSTOSA…I KÁ TEM MANERA KU TCHUDA KÁ TENTA…TCHUDA BIM DICIDI BAI PIDI UM SI TIO KU TÁ BINDI FUCA PATROCINIO PÉ CONSIGUI DINHERU PÁ CONVENCI AISSA NA N´TREGAL GITRIMENTU…DIPUS I MANDA TCHAMA AISSA NA SI CUBICU KU DISCULPA DI BAI MOSTRAL ROPAS KU SI TIO DAL PÉ BINDI…OTCHA AISSA TCHIGA CUBICU, TCHUDA FALAL: NA FERTCHA CINCO MIL FCFA NA TCHON, TÉ BÁ U NA N´UNHI PÁ CUDJIL NA TCHON I TA DÁM TEMPO PAM ESCOVAU QUINTI QUINTI…AISSA FALAL: CINCO MIL!!!!... TEMPO DI N´UNHI SOM PÁ CUDJIL???

TCHUDA: SIM SIM…

AISSA: BU SIBI KUMA AMI N´TENE RAPAZ, N´KA PUDI CETA SIM PUNTAL…

AISSA PEGA TELEMÓVEL I LIGA SI XUXU: ALÓ, AMOR, DJUBI KI RAPAZ KUM FALAU KUMA I KÁ TA DAM TEMPO…SIM I EL PROPI, TCHUDA…GOSSI KUMA I NA BOTA CINCO MIL FCFA NA TCHON TEMPO DIM N´UNHI SÓ PÁ CUDJIL I TÁ ODJA I SAFA SI MISTIDA, KÉ KU AXA??...XUXU DI AISSA, UM CHULU GARANDI, RUSPUNDIL: NAAAAA, NÓ APROVEITA, PABIA N´UNHI PÁ CUDJIL KA NA DAL NIM TEMPO DI RIANTA CALÇA, MÁ FALAL NAM PÉ DAU DEZ MIL…DIPUS BU TÁ LIGA PAM EXPLICAM…

PASSADU 3 HORAS DI TEMPO AISSA KÁ LIGA, XUXU DICIDI LIGAL…TELEMÓVEL TCHAMA TOK, NADA…I LIGA MÁS…NADA…I LIGA MÁS…AISSA ATINDI I FALA SI XUXU: AHMM! U NA LIGA, N´FALAU CINCO MIL U FALA DEZ MIL, ALI N´UNHI TÉ GOSSI NÉ CAU LI KU TCHUDA NA NHA QUINTAL TÉ GOSSI.

XUXU: P*RRRRRRRRA PÁ BU NÁ LEBSIM NAM!!! N´TÁ PÁ CUDJI SOM DEZ MIL NA TCHON I PERCIS TARDA SIM?????

AISSA: N´KUDA TCHUDA FERTCHA NAM DEZ MIL EM MOEDAS DI 5 FCFA!!!!!!!!!!!!!!!!!!!!!!!!!!!!!!!!