BANDA DESENHADA

TIO ADEMBLÉS

TIO ADEMBLÉS Vs TRADIÇÃO DI ZONA

TCHUBA DÉ DIAS, TUDJIM BÁ BAI DJUBI NHA TIO QUERIDO, DI MEMO FORMA KI TUDJI POLÍCIAS SAI NA RUA PÁ RANDJA DINHERO DI FERA. TCHUBA DA TRÉGUA, M' APROVEITA M' BAI DJUBI TIO ADEMBLÉS, OTCHÁ N'TCHIGA NA CE ZONA, N'ODJÁ TUDO GUINTIS, OMIS OH, MINDJERIS OH KU JOVENS NA SUTA ALCOOL NA CURPO KU FORÇA.
AMI- TIO ADEMBLÉS, N'TÁ KÉ KU NA PASSA NÉ BÓ ZONA KU GUINTIS NA TCHAMI SIM???
TIO ADEMBLÉS- SUFRINHO, ÉS I NÓ TRADIÇÃO, SI UM PADRI KU MURRI, NO TÁ TA RAÇA TOK SOL MANSI, MÁ SUMA I UM TCHAMIDUR KU MURRI, LOGU, NÓ TEM KU BIBI PÁ TCHAMI TOK SOL MANSI.
AMI- AHM!! N'TÁ SI UM POLÍTICO GORA KU MURRI???
TIO ADEMBLÉS- SUFRINHO!!!! LÁ, TOK SOL MANSI, NÓ TA CONTA MINTIDAS!!!!!!

LADROM ABUSADO

LADROM ABUSADO

LADROM BAI FURTA CABRA, I FURTA CABRA I LEBAL I BAI MARA NA SI CASA...DUNU DI CABRA BIM CORDA DINOTI, PA BAI MIÇA NA CERCU, I NOTA KUMA SI CABRA FURTADU, SUMA I TCHUBI BÁ, I DICIDI SIGUI PEGADAS DI CABRA KU LADROM...OTCHÁ I TCHIGA NA KAU DI LADROM, I BATI PORTA, KOM KOM KOM!!!
LADROM- I KIM ?
OMI- I AMI DUNU DI CABRA, M'BIM BUSCA NHA CABRA.
LADROM- N'TÁ U KA ODJAL MARRADU LÁ FORA??
OMI- CLARO KUM ODJÁL!!
LADROM- KÉ GORA KU NA CORDAM PÁREL, AMI OTCHÁ M'BAI FURTAL N'CORDAU???? SISSSSSS, TAMAL SÓ U LEBA, U DIXAM MAMA NHA SONU.

RABADA KU TA PUI "ESTIM LÁ" NA MUFUNESSA

NÓ CABAL NA CORNOS

KAU MATAM NHA FIDJU

ESTABILIDADE PÁ TERRA.

JÁ PÁ POLITICA!!!

JUIZES EM ALTA!!!!

HIPOCRISIA DI NÓ SOCIEDADE

CONFUZÃES!!!

CONFUZÃES!!!

NHU FITCHA BOCA KU SI AMIGO NHU PROBLEMA BAI MONTIA NA MATU, DIREPENTI NHU PROBLEMA DISAPARCI...NHU FITCHA BOCA LIGA PÁ POLICIA...
NHU FITCHA BOCA: ALÓ, I DI POLICIA?
POLICIA: SIM I A NÓS.
NHU FITCHA BOCA: NA LIGA PABIA NHA AMIGO DISAPARCI.
POLICIA: KIM KU NA PAPIA KU EL?
NHU FITCHA BOCA: FITCHA BOCA
POLICIA: U FALA?
NHU FITCHA BOCA: N´FALA, FITCHA BOCA.
POLICIA: PARCI U MISTI NAM ODJÁ PROBLEMA?
NHU FITCHA BOCA: EL PROPI KUM MISTI.
POLICIA: N´TA KAU SAI LA, NA TCHIGA LÁ GOSSI GOSSI!!!!!

TCHUR DI ESTIM LÁ

TCHUR DI ESTIM LÁ

M´BAI FALA MANTENHA DI TCHUR NA CAU DI UM NHA CONHECIDO KU CABA BÁ DI FALSI, N´KA NA TCHAMA NOMI PABIA DI RISPITO PÁ ALMA DI DIFUNTU, OTCHÁ TCHIGA LÁ, GUINTIS RUMA BÁ MANGA DEL NA KAU DI TCHUR, N´FALA MANTENHA M´BUSCA KAU N´SINTA, UTRUS NA TCHORA, UTRUS NA LAMENTA...DI REPENTI, MAMÉ DI FALSIDU SAI DENTRO I NA TCHORA RISU I NA DISPAPIA: AIIIIII DEUS, PABIA??? U LEBAM NHA FIDJU MADJU, KU TA PIDIM BÁ PAM FACIL CALDO DI MANCARA, AIIIII DEUS, KIM PÁ MI...DEUS U LEBAM NHA CORÇON, KU TA DJUDAM BA KU VIDA...
MAMÉ TCHORA TOK I TCHIGA PERTO DI N´DÉ KU UM GRUPO DI BADJUDAS SINTA, I RANCA MÁS: AIIIIII DEUSSSS!!! KIM PÁ NÓS IM, ALI QUENGAS DI NHA FIDJU SINTA LI EH NA TCHORAL, KIM PA ELIS, KIM KU NA BATA RANDJA ELIS TICO TICO??? AI DEUS, KIM KU NA BATA CUMPRA ELIS CABELO HUMANO, KIM??? ROPA KU PASSAGEM PA BAI EUROPA, AI DEUSSSS, U MATA NAM EH QUENGAS LI!!!!!

AMI N´LANTA TRANQUILO M´BAZA, MÁ BÓ PUDI IMAGINA PROBLEMA KU BIM LANTA NA KI KAU DI TCHUR.

RADIO CHINÊS

RADIO CHINÊS

OMI CUMPRA RADIO NA MOM DI CHINÊS, TCHIGA CASA LIGA RADIO NADA, RADIO KA NA FUNCIONA...OMI RIBA N'DÉ CHINÊS PÁ BAI RECLAMA, CHINÊS TAMA RADIO I ABRI, I ODJA N'BRUTA DI BARATA MORTU DENTRO DI RADIO, I VIRA I FALA OMI: LADIO NÃO FUNSIONAL PABIA DJ MOLEL.

MINDJERIS BÓ BAGANA MOM NA DISCUNFIANÇA, KUREDAAAA!!!!

MINDJERIS BÓ BAGANA MOM NA DISCUNFIANÇA, KUREDAAAA!!!!

OMI KU MINDJER CABA DI ESCOVA, EH DITA NA COMBERSA...
MINDJER: AMOR...
OMI: HUMMM
MINDJER: KIM KI ALARMI???
OMI: COMO ASSIM???
MINDJER: N'FALA KIM KI ALARMI, KU TA LIGAU TUDO DIA 6H DI PARMANHÁ????????

TIO ADÉMBLES: DECLARAÇÃO DE POBREZA

DECLARAÇÃO DE POBREZA

Para: Direção Geral da EAGB

Eu, Tio Ademblés, de nacionalidade guineense casado, desempregado desde do falecimento físico do meu último patrão, portador do bilhete de identidade fixa com o número 1ª1-0001ab238, residente no meu domicilio na cidade de Bissau, vou declarar aqui e agora sem problemas que, não posso de maneira nenhuma suportar as despesas processuais decorrentes da fatura de Luz/Água, sem prejuízo do meu próprio sustento e da minha família que não tem nada lá.
Portando, apoiado nos termos da lei do artigo (agora assim, não me lembro) que me dá esse direito, venho aqui, solicitar a quem de direito, uma concessão do benefício de gratuidade, ou seja custo zero, de luz e água para mim e minha família incluída, porque sou pobre na forma, na matéria e no sentido legal da aplicação do termo.
Declaro ainda, que tenho conhecimento das sanções que estarei sujeito, segundo o artigo (também não me lembro deste), caso inverídica a declaração prestada.
Por ser a expressão expressa de verdade da minha vida que vivo, assumo inteira responsabilidade, não há medo, pelas declarações que declarei acima, sob as penas da lei e assino a presente declaração, para que produza seus efeitos legais e entre imediatamente em vigor.
NB: A EAGB não pode continuar neste complexo processo de cobrar a luz e a escuridão, já que, mesmo com as cortes a fatura não baixa mas, também como vou ter gratuidade, custo zero, não me importa.

Bissau 18 de abril de 2016

Assumidamente,

________________________
Tio Ademblés

KABIRO Vs PURSSORA

KABIRO

PURMERO DIA DI AULAS...
PURSSORA- M'BOM, AMI I PURSSORA DJÁ I APESAR DI CEDU PURMERO DIA, NA FACI BÓS ALGUNS PERGUNTAS DI MATEMÁTICA...
ALUNOS: M'BÉ!!! NAAAAAAAAAA!!!!
PURSSORA DJÁ (P.D)- SI MININO JOÃO TENÉ 5 CADJU I MININO MANEL TAMAL 3, CANTO KU JOÃO NA FICA KU EL??
KABIRO- MÁ PABIA DI K KU MANEL TAMÁ 3 CADJU DI JOÃO???
ALUNOS: SIM PABIÁ?????
P.D: ÉS I UM EXERCÍCIO.
KABIRO: KU FACI KÉ GORA? KILA I KA MOTIVO PA MANEL TAMA KI KI KA DI SEL.
ALUNOS: ABUSADO!!
P.D: BÓ CALMA, SUMA KU NA FALA...
KABIRO: PURSSORA, KÉ KU MANEL FACI I KA DRITU, KILA I FURTA NAM.
P.D- I KA NADA DÉS KU BÓ NA PENSA.
KABIRO: COMO ASSIM? U FALA I TAMA GOSSI U NA FALA I KA KI KU NO NA PENSA, N'TÁ NHA I CUMPLICE DI MANEL NÉ ASSALTO.
ALUNOS: SIM, EXPLICA, EXPLICA...
P.D- AMI N'VENTA NAM SOM É HISTÓRIA...
KABIRO: PURSSORA, U GARINDI GORA PÉ TARBADJU DI CALUNIA MANEL NÉ KAU LI, I PUDI LEBAU NAM TRIBUNAL.
P.D (CALUR NA BAZA)-M'BOM PÓ DISQUICI POM...
KABIRO: DISQUICI!!!!! BU ENTRA LI NA ACUSA MANEL DI FURTO GOSSI U NA FALA PÁ DISQUICI, NA BU NA EXPLICA É HISTÓRIA.

SINETA TOCA, PURSSORA DJÁ CURRI I SAI DI TURMA....

KABIRO LEBI BOCA

LADROM

LADROM

MUSTAFA BIM BUSCA SI CARNELIS PA BAI RUCUDJI, UM LADROM BISTI UM BUBU TUDU BRANCO I MISTURA NA METADI DI CARNELIS I NA DISFARÇA DI CARNEL...MUSTAFA FINDJI KUMA I KÁ NOTA PÁ REL...NA CAMINHO PÁ ORIENTA ELIS PÁ CASA I CHICOTIA LADRON NA COSTA I FALA: AVANÇA!!! LADRON FALA N´MÉÉÉÉÉÉÉÉ!!!!!
PASSADO MÁS UM BOCADO, MUSTAFA CHICOTIAL MÁ RIÇU...LADROM FALA: M´BÉÉÉÉÉÉÉÉÉ´!!!!!
EH BAI MÁS UM BOCADO, MUSTAFA LANTANDA CHICOTI TÉ DÉ KI SI MOM CABA I RIANTA LADROM EL NA COSTA...LADRON SAI NA FALA: KUREDAAAAAA!!! N´TÁ AMI I UNICO CARNEL KU ODJA LI???????

TIO ADEMBLÉS, HUMMM!!

TIO ADEMBLÉS

TIO ADEMBLÉS SINTADO NA SI BARANDA I OBI ALGUIM NA GRITA NA CASA DI NHU M'POTIKA, I LANTA RAPIDO I BAI TÉ LÁ...I TCHIHA I ODJA NHU M'POTIKA NA SUTA SI FILHA.
TIO ADEMBLÉS : MÁ KUMA KÉ KU NA PASSA LI?
M'POTIKA : EH MININU BAI KIRI UM OMI GARANDI LA NA ANTULA.
TIO ADEMBLÉS : AHM!! MÁ EH MIMINUS DI GOSSI, NADA KÁ STÁ NA SE CABEÇA...CALMA, BAI BIBI IAGU PÓ CALMA UM BOCADU, NA FICA N'PAPIA KU EL.
M'POTIKA SAI NA QUARTO I BAI PA COZINHA BIBI AGU...
TIO ADEMBLÉS FICA EL SOM KU SI FILHA NA QUARTO...
TIO ADEMBLÉS : N'TÁ I ASSIM, U TENEM LI PERTO KÉ DI BAI BUSCA OMI GARANDI NA N'TULA?????

TIO ADEMBLÉS Vs VIAGRA

TIO ADEMBLÉS

TIO ADEMBLÉS TCHAMA UM MININO DI ZONA NA ESQUÉ I FALAL: BAI DÉ TÉ FARMACIA U BAI CUMPRA BU TIO VIAGRA.
MININO: TIO KILA I PÁ K???
TIO ADEMBLÉS : ABÓS GOSSI BÓ KA CUNSI UDJU, NA MANDAU U NA FACIM PURGUNTA, BAI SOM ANTIS KUM TAPONIAU.
MININU BAI I BAI TARDA UM BOCADO...OTCHÁ I NA RIBA I ODJÁ TIO ADEMBLÉS SINTADU KU SI COLEGAS NA DJUGA BARADJU...MININU TCHIGA I FALA ALTO: TIO ADEMBLÉS, ALI TICI VIAGRA KU MANDAM CUMPRA.
KI HORA KAU CALA IAMM...TIO ADEMBLÉS FALA LOGU: VIAGRA?? KIM KU FALAU N'PRECISA DI VIAGRA???N'KUDA U TULU, N'FALAU PÓ BAI CUMPRA MECINHU DI RAPATI RETAMENTU U BAI NA TICI VIAGRA!!!!

TIO ADEMBLÉS Vs SOGRU

TIO ADEMBLÉS

MINDJER DI TIO ADEMBLÉS RIBA MÁS HOSPITAL PA BAI BUSCAL I BAI ODJA TIO ADEMBLÉS NA FRASIA SI VIZINHA DI CAMA AO LADO...
MINDJER: ABÓS OMIS TUDO I UM CAMBADAS DI CATCHURIS SIM VERGONHA NA CARA.
TIO ADEMBLÉS COMO OMI MUITO EDUCADO KI CEDU, I KA REAGI NA HOSPITAL, ATE PORQUE I MISTI RIBA CASA, MÁ I FICA KU MINDJER NA SINTIDU...
DIAS DIPUS, TIO ADEMBLÉS SINTADU NA SI BARANDA I ODJA UM CATCHUR VIRA LATA NA PASSA NA SI PORTA I GRITA SI MINDJER LA DENTRO: I BÓOOOO, DJANTI DJANTI BIM SOM!!!
MINDJER TCHIGA I FALAL: I QUÉ???
TIO ADEMBLÉS : A LÁ NHA SOGRU,  U PAPÉ, NA PASSA LÁ, TCHAMAL PÉ ENTRA!!!

SPORTING Vs BENFICA

SPORTING Vs BENFICA

ESTÁDIO COMPLETAMENTE CHEIO, TÃO CHEIO KU GUINTIS SINTA DUS DUS NA CADA BANCO, UM OMI PROPI IARA I SINTA RIBA DI COXA DI UM NHA TIA...JOGO DI TÍTULO PÁ SPORTING...DJUGU RANCA...10 MINUTUS DIPUS, ALGUNS DJUGADURIS DI SPORTING DICIDI TABELA TABELA BOLA ENTRI ELIS I EH CABA É MARCA GOLO DISCARADAMENTI NA SÉ PROPRIO BALIZA...TRENADUR DI SPORTING NERVA I DICIDI SUBSTITUI ELIS NA CAMPO...CONFUSOM CUNSA, TRENADUR DI BENFICA KU DJUGADURIS DI BENFICA KUMA TRENADUR DI SPORTING KA PUDI SUSTITUI KI DJUGADURIS KU DICIDI MARCA GOLO NA SÉ PROPRIO BALIZA...ÁRBITRO TAM KUMA I BARDADI, CADA DJUGADUR TENÉ DIREITO DI MARCA GOLO N'DÉ KI MISTI NEL.

NB: M'BIM ABANDONA CAMPO, POR ISSO, N'KA SIBI EXPLICA BÓS KUMA KU CONFUSOM BIM CABA.

TIO ADEMBLÉS, REGRESSO A CASA

TIO ADEMBLÉS

TIO ADEMBLÉS NA RUMA SI BUGIGANGAS NA HOSPITAL PA RIBA CASA, SUMA EH DAL ALTA...
SI MINDJER BIM BUSCAL NA HOSPITAL KU ROSTU CHEIO DI LÁGRIMAS...
TIO ADEMBLÉS : N'TÁ I QUÉ, U RIPINDI NAM MANÉ KU MANDAM LI???
MINDJER:NÃO, U LEMBRA DI KI PADRI KU CASANU??
TIO ADEMBLÉS : KUMA DI DISKICI, KÉ KU TEM??
MINDJER: I FALSI EH PARMANHÁ.
TIO ADEMBLÉS : YÓ!! KÉ DI CASANU, CÁ SE FAZ CÁ SE PAGA!!!!

PS: I KA PERCIS PAM FALA BÓS KUMA TIO ADEMBLÉS N'TERNA MÁS NA CUIDADO INTENSIVO.

GUINÉ BISSAU

GUINÉ BISSAU

N'LANTA PARMANHÁ CEDO, N'DESLIGA SPLIT N'BAI TAMA BANHO DI CHUVEIRO, SIM, EAGB NA BUMBA BEM...N'TAMA NHA BOM PEQUENO ALMOÇO, N'MITI NA NHA AUTOMÓVEL, PÁ KÉ JEEP SE ESTRADA TUDU STA DRITU, N'BAI TARBADJU, N'SAI DI TARBADJU N'BAI DJUBI UM NHA AMIGA KU PADI NA HSM, EH DAL SI CAMA EL SOM KU SI QUARTO, TUDO BEM LIMPINHO I BEM TRATADO...N'SAI N'PANTI NA UM LIVRARIA PA CUMPRA UM LIVRO DE PRESENTE I DIPUS N'SIGUI PÁ CINEMA PA BAI DJUBI UM FILME...NA FILME, OTCHA UM DAMA BAI JANTA KU SI NAMORADO CONTA BIM DE 78 MIL FCFA DAMA TIRA DINHERO I PAGA LA KUM PANTA NEL NA SONU N'CORDA. AFINAL TUDO ERA BÁ SÓ UM SONHO.

TIO ADEMBLÉS 13/2/2016

TIO ADEMBLÉS 13/2/2016

TIO ADEMBLÉS TCHIGA CASA, CARREGADISSIMO DI PAPELADAS...
NHA TIA: OMI, É PAPELADAS TUDO I KÉ????
TIO ADEMBLÉS : PARECER DI TRIBUNAL REGIONAL; PARECER DI SUPREMO; REGULAMENTO INTERNO DI NO CASAMENTO; LEIS DI ANULANENTO DI PROCESSOS E NORMAS E PODERES DI MARIDO NA SOCIEDADE GUINEENSE...
NHA TIA: KUREDAAAA!!! ÉS TUDO I PÁ K??
TIO ADEMBLÉS : MISTI NAM SIBI, SI DIPUS DI PASSA PASCOA KU CEIA KU BÓ I TEM ALGUM LEI KU TA IMPIDIM DI BAI PASSA 14 DE FEVEREIRO KU NHA CATORZINHA!!!!!

PS: TIO ADEMBLÉS DA ENTRADA NA HOSPITAL NA UM ESTADO MTO GRAVE.

TIO ADEMBLÉS Vs MINDJER DI NHU M´POTIKA

TIO ADEMBLÉS SINTA NA BARACA KU NHU M'POTIKA É NA COMBERSA SOBRI VIDA...
TIO ADEMBLÉS : M'POTIKA NA FALAU, ABRI UDJU, U MINDJER STA NA DISCARNA.
M'POTIKA :NAAAA!! NHA MINDJER INOCENTI DI MÁS.
TIO ADEMBLÉS : NA FALAU...
M'POTIKA : DJUBI, NÓ MUDA DI ASSUNTO BÓ...FALAM DÉ KUMA KI KI FAMOSU CASO DI 15+1 M'BIM FICA????
TIO ADEMBLÉS : M'BOM, DIPUS DI INTERVENÇÃO DE VARIOS CAKUBAS NA MATÉRIA, MÁ DI FORA, LI CAKUBAS KA TEM, I BIM TEM INDA INTERVENÇÃO DI UM GRANDI MATIMATICO KU BIM DI DJOGORÓ, KILA KU BIM KABA PA RESOLVI ASSUNTO.
M'POTIKA : MA KUMA GORA KI FICA???
TIO ADEMBLÉS :ORA, I EXPLICA ELIS DI KUMA 15+1 I IGUAL A 16!!
M'POTIKA SAI BARADJADU DI CABEÇA NA PENSA KUMA KI POSSÍVEL 15+1 CEDU 16...
I TCHIGA CASA I SINTA NA SALA KU PAPEL KU CANETA I NA FACI CÁLCULOS...HORA BAI BADJA, OTCHA I DATI I OBI SI MINDJER NA GRITA NA QUARTO NA PIDI SACUR...I CURRI I TCHIGA I CINDI LUZ A TEMPO DI ODJA UM JOVEM NU NA CAMBA JANELA DI QUARTO PA FUCI...I FALA SI MINDJER: I QUÉ??? I QUÉ??
MINDJER: ÉS ENTRA LI NU PRITU I ESCOVAM DUS BIAS.
M'POTIKA : DUS BIAS??? BU KUNSA GRITA GORA SÓ GOSSI, PABIÁ??
MINDJER: QUARTU STABA SCURU, NA PURMERO NPENSA I ABÓ, OTCHA I BIM NA DAM SEGUNDO, LA KUM DISCUNFIA DI KUMA I KA ABÓ!!!!!!!!!!!!!!

TIO ADÉMBLES Vs CARNAVAL

TIO ADÉMBLES Vs CARNAVAL

TIO ADÉMBLES LANTA I SAI NA SI ZONA I BAI TÉ NA UTRU BAIRRO...I TCHIGA I ENTRA NA TABERNA DI UM NAR, I FALA KILA: DJUBI, MISTI PÓ PISTAM UM SACO DI ARRUZ, 5KG DI OLEO KU 10 DI AÇUCAR.
NAR: MÁ CABEÇA NON BOM KU BÓ?? U TÁ ENTRA LI CU MASCRA NA ROSTU PÁ BIM PIDI PÁ PISTAU??? AMI N´KA SIBI ABÓ I KIM.
TIO ADÉMBLÉS: AHHHHHH!!! SAÍ LI OMÉ, MAU MANERA, U KÁ TENÉ ESPIRITO DI CARNAVAL!!!!!!!!!!!

AJUDA INTERNACIONAL

MURU

EH DIAS, SINTIDU STAM PISADU, TALVEZ MANÉ KU MÁS UM BIAS, TERRA PARA...N'DICIDI BAI ALSA MOM BÁ DJUBI NHA FUTURO...
N'TCHIGA NA MURU I FALAM PAM TAMA BUS N'LARGA NA STERRA...OTCHAM N'LARGA BUS NA STERRA SOM, MURU LANTA FIRGUIT I FIRMA I PUPA: ASTA FURLAI, LAI LAI I LA LA!!!!
AMI: KUMA KÉ I KÉ KU ODJÁ.
I PUI MOM NA BOCA I NA BALANÇA CABEÇA...
N'PANTA MAL, KI HORA NHA VIDA TUDO PASSAM NA CABEÇA KUM RAPIDEZ TIPO FILMI DI CHARLOT...
MURU: DJALGU SOM DJALGU DÉ!!
AMI: DIALOGU DI KÉ, KÉ KU NA PASSA??? N'KA PUDI N'LANTA FIRMA, CORAÇOM DISPARA KU MI.
MURU: BU NA CURRI RISCO GARANDI.
AMI:POOOOOOOORA OMI, RISCO DI KÉ????
MURU: DI PIRDI.1,2 MILHÕES DI DÓLARES DI AJUDA INTERNACIONAL.

PS: MURU STA INTERNADU NA CUIDADO INTENSIVO.

TIO ADEMBLÉS Vs NHU M´POTIKA

TIO ADEMBLÉS

TIO ADEMBLÉS XATIAM TOK, KUMA PAM RANDJAL UM MOTA CELERA NO BAI PÉ PUDI SAI BUSCA TARBADJU...N'DA NHA VOLTAS, KI LADROM KU FURTA 3 MILHÕES DE EUROS BIM FURANTAM UM BOCADO N'BAI KUMPRA MOTA N'LEBA TIO ADEMBLÉS...MOTA TCHIGA SOM, NHU M'POTIKA INSISTI TRAS DI TIO ADEMBLÉS TOK KILA PISTAL MOTA...M'POTIKA BAI NA TARDI PA RIBA, DINOTI, OTCHA TIO ADEMBLÉS NA JANTA, M'POTIKA TCHIGA, TIO ADEMBLÉS FALAL: BIM NO KUMÉ.
M'POTIKA : NA, N'TENE INDA UM KUSSA PA CONTAU.
TIO ADEMBLÉS : EH!! NO KUMÉ INDA DIPUS NO TA PAPIA.
M'POTIKA KUNSA TCHORA: NA N'KA PUDI KUMÉ MISTI PAPIA KU BO, N'KA PUDI KUMÉ.
TIO ADEMBLÉS : KUMA KÉ?
NHU M'POTIKA : N'TEVE AZAR, N'FACI ACIDENTI U MOTA DANA FEP!!!
TIO ADEMBLÉS : N'TÁ KILA GORA KU NA TUDJIU KUMÉ, DIÇA KILA, A NÓS I AMIGOS, TUDO MANERA U SIBI PROPI KUMA U KA NA SAI LI SIM U KA PAGA NHA MOTA, NIM ECOMIB N'KA NA TIRAU SU KA PAGAM EL!!!!!!!

TIO ADEMBLÉS

TIO ADEMBLÉS

OTCHAM PIKININU, M´BAI CUMPANHA TIO ADEMBLÉS PÉ BAI MANDA CARTA NA CORREIO, KI TEMPO U TA TCHIGA U MITI CARTA NA KI RANHURA...OTCHA NÓ TCHIGA LÁ, TIO ADEMBLÉS TCHOCOLI CARTA NA RANHURA, N´VIRA FALAL: TIO ADEMBLÉS, U DISKICI PUI DIRECÇÃO NA CARTA.
KI HORA, TIO ADEMBLÉS N´UNHI I TCHOCOLI BOCA NA RANHURA I GRITA: I NA BAI PÁ ANGOLA, I NA BAIII PÁ ANGOOOLA, ANGOLAAAA!!!!!

TIO ADEMBLÉS Vs ALMOÇO DI TOCA TCHUR

TIO ADEMBLÉS

TIO ADEMBLÉS BIM ALMOÇO DI TOCA TCHUR...
TIO ADEMBLÉS : SUFRINHO, NAAAAA, BÓ SIBI ORGANIZA TOCA TCHUR, I NA CURRI SABI, PARANÇA DEUS PA I BATA TEM TUDU ANO!!!!

TIO ADEMBLÉS Vs PRENDA DI NATAL

TIO ADEMBLÉS

MINDJER DI TIO ADEMBLÉS FALAL: XUXU, N'TA KAL PRENDA KU NA DAM NA NATAL??
TIO ADEMBLÉS: NA KÉ? BU ANIVERSARIO???
MINDJER: NAU, N'FALA NA NATAL!!
TIO ADEMBLÉS: N'TA NATAL I ANIVERSARIO DI KIM??
MINDJER: DI MININU JESUS.
TIO ADEMBLÉS: N'TEM GORA KU DAU PRENDA PABIA, SI ABO I KA MININU JESUS?????????

TIO ADEMBLÉS Vs EMPREGO

TIO ADEMBLÉS

AMI KU NHA TIA NÓ CONSIGUI CONVENCE TIO ADEMBLÉS NA BAI RANDJA TARBADJU NÉ NOVO HOTEL KU NA IABRI...
I BAI ENTREVISTA DI TARBADJU...
ENTRIVISTADOR: SUMA U FALA I BU PURMERO BIAS, NÓ NA RANCA KU UM SALÁRIO DI 50 MIL FCFA I DAQUI A 6 MESES NO TA SUBINTIL PÁ 80 MIL...
TIO ADEMBLÉS: OK, NÉ CASO NA RIBA LI DAQUI A SEIS MIS POM!!!!!!!

VESTÍGIO DA TROIKA

VESTÍGIO DA TROIKA

GUINTIS KU NA MOLA MOM PÁ BIM TIRA GUINTIS KU NA BIM DI KI LADO ALGUM KUSSA, BÓ BAI DITA BÓ DISCANÇA DÉ...QUARTA FERA, UM LISBOETA BIM CHEIO DI ATITUDI NA SALA DI CHEGADA, BASÓFARIA PASSA...UM 40 MINUTU DIPUS, N´SAI NA PARQUI PÁ BAI PÁ CASA, M´ODJA LISBOETA BASOFU KU CASACO PRINDADU NA COSTA NA RASTA MALA PÁ BAI PANHA TOCA TOCA PÁ FEKIL PÁ CASA.
AMIGOS GORA PANHA RAIBA EH NA BIM SI TRÁS.

KABIRO

KABIRO

NA SALA DI TURMA DI KABIRO, PURSSORA FALA ALUNOS PÁ CADA KIM TCHAMA NOMI DI UM MECINHU KI CUNÇI.
PUTO TOMITI- ASPIRINA
PURSSORA- MUITO BEM, PÁ KÉ GORA KI TA SIRBI?
PUTO TOMITI- PÁ DUR DI CABEÇA
PUTO VITITI-BRUFEN, PÁ DURIS KU INFLAMAÇÃO
PURSSORA-MTO BEM
PUTO ALBITI-ALKA-SELTZER, PÁ KURA RESSACA
PURSSORA-MUITO BEM
KABIRO- VIAGRA, PÁ KURA DIARREIA
PURSSORA- COMO ASSIM??
KABIRO- NA PASSA NA QUARTO DI NHA PAPÉS AONTI DINOTI, N´OBI NHA MAMÉ NA FALA NHA PAPÉ: TAMA VIAGRA NÓS EH M*@D& TÁ RIÇU!!!!!!

PAGAMENTO MENSAL

PAGAMENTO MENSAL

OTCHA TUDO I ERA BÁ MEL, MINDJER BIM DUENCI, I BIM NA PRECISA DI SANGUI, SUMA SI OMI TENÉ MEMO GRUPO SANGUÍNEO KU EL I DUAL SI SANGUI...
TEMPO BJM BAI, PROBLEMA BIM TEM É DICIDI DIVORCIA, BENS NA DIVIDIDU NA METADI..
OMI FALA MIMDJER: JÁ KI ASSIM, TORNAM NHA SANGUI KUM DAU.
MINDJER SUMA I STABA NA ODJA LUA (TPM) I MITI MOM I BUCI PENSO H. I FERTCHA OMI I FALAL: TAMA, NA BATA PAGAU MENSALMENTI!!!!!!

TIO ADEMBLÉS Vs ABSTENÇÃO

TIO ADEMBLÉS

NHA TIA: N'TÁ U KA NA DAM PRENDA??
TIO ADEMBLÉS CALA
TIA: N'FALA U NA DAM OU U KA NA DAM, SIM OU NÃO ???
TIO ADEMBLÉS : NHA NUNCA OBI FALADO DI ABSTENÇÃO???????

TIO ADEMBLÉS Vs TOCA TCHUR

TIO ADEMBLÉS

M'BAI FIANÇADO CONTA TIO ADEMBLÉS KUMA NA TOCA TCHUR DI NHA MAMÉ.
TIO ADEMBLÉS FALAM: SUFRINHU N'KA NA PUDI DAU NADA.
N'FALAL: PABIA?
TIO ADEMBLÉS : PABIA NKA TOCA INDA TCHUR DI NHA MAMÉ.
N'FALAL: M'BÉ!!!! MÁ U MAMÉ KA MURRI INDA!!
TIO ADEMBLÉS: PRECISAMENTE!!!!!